NBA. რეგულარული ჩემპიონატი: რა თქმა უნდა, რასელი

ეროვნულმა საკალათბურთო ასოციაციამ კვირის ლაურეატები დაასახელა. აღმოსავლეთ კონფერენციაში საუკეთესო გახდა "შარლოტ ჰორნეტსის" მცველი მო უილიამსი, რომელმაც თავის გუნდს ოთხიდან ოთხი მატჩი მოაგებინა. უილიამსმა, საშუალოდ, 19.5 ქულა და 10.8 შედეგიანი პასი (საუკეთესო შედეგი კონფერენციაში) დააგროვა.

დასავლეთ კონფერენციის ლაურეატი გახდა "ოკლაჰომა-სიტის" მცველი რასელ უესტბრუკი. ის თავის გუნდს სამიდან ორი მატჩის მოგებაში დაეხმარა და საშუალოდ, სამმაგი დუბლი შეასრულა - 40.7 ქულა, 11.3 მოხსნა და 11.3 შედეგიანი პასი. ამას დაემატა, საშუალოდ, 3 ჩაჭრა მატჩში. 8 მარტს, უესტბრუკმა "ტორონტოსთან" შეხვედრაში 30 ქულა, 17 შედეგიანი გადაცემა და 11 მოხსნა მიითვალა და სეზონში მეშვიდე სამმაგი დუბლი შეასრულა.

უილიამსის კვირა
3 მარტი. შარლოტი-ლეიკერსი 104:103. 20 ქულა, 13 პასი.
4 მარტი. ბრუკლინი-შარლოტი 91:115. 14 ქულა, 14 პასი.
6 მარტი. შარლოტი-ტორონტო 103:94. 23 ქულა, 7 პასი.
8 მარტი. დეტროიტი-შარლოტი 108:101. 21 ქულა, 9 პასი.

უესტბრუკის კვირა
4 მარტი. ოკლაჰომა-ფილადელფია 123:118. 49 ქულა, 15 მოხსნა, 10 პასი.
5 მარტი. ჩიკაგო-ოკლაჰომა 108:105. 43 ქულა, 8 მოხსნა, 7 პასი.
8 მარტი. ოკლაჰომა-ტორონტო 108:104. 30 ქულა, 11 მოხსნა, 17 პასი.

კვირის მოთამაშის ტიტულზე პრეტენზიას აცხადებდნენ: აიზია ტომასი ("ბოსტონი"), ჯეიმს ჰარდენი ("ჰიუსტონი"), დეანდრე ჯორდანი ("კლიპერსი"), კრის პოლი ("კლიპერსი"), დუეინ უეიდი ("მაიამი"), ენტონი დევისი ("ნიუ ორლეანი"), ვიქტორ ოლადიპო ("ორლანდო"), ლამარკუს ოლდრიჯი ("პორტლენდი"), ტონი პარკერი ("სან ანტონიო") და დემარ დეროზანი ("ტორონტო").

ყოველდღიური სპორტული გაზეთი "ლელო"