NBA. პლეი ოფი: "გოლდენ სტეიტი" მეორე წრეშია

- "ჩიკაგო ბულზის" ხელძღვანელობამ, შესაძლოა, ამ სეზონის შემდეგ დაითხოვოს მთავარი მწვრთნელის პოსტიდან ტომ ტიბოდო. ცნობილი გახდა, რომ ამ სპეციალისტს რთული ურთიერთობა ჩამოუყალიბდა "ჩიკაგოს" ბოსებთან. ტიბოდოს სავარაუდო შემცვლელად ასახელებენ აიოვას უნივერსიტეტის მთავარ მწვრთნელს ფრედ ჰოიბერგს.

- ინვესტორების ჯგუფმა ამერიკელი მილიარდერის ენტონი რესლერის ხელმძღვანელობით ხელშეკრულება გააფორმა "ატლანტასა" და "ფილიპს არენას" შეძენაზე. გარიგების დეტალები ცნობილი არ არის. ახლა, მხარეები დაელოდებიან NBA-ის მმართველი საბჭოს დასტურს, რის შემდეგაც, "ატლანტას" ახალი მფლობელი ეყოლება.

- ლიგის ხელმძღვანელობამ მსაჯების კრიტიკის გამო 25 ათასი დოლარით დასაჯა "დალასის" მთავარი მწვრთნელი რიკ კარლაილი. "მავერიქსის" დამრიგებელმა "ჰიუსტონთან" სერიაში ზედიზედ მესამე წაგების შემდეგ გამოთქვა უკმაყოფილება არბიტრების მუშაობის გამო.

- "სან ანტონიო სპურსის" გამთამაშებელმა ტონი პარკერმა პლეი ოფში შედეგიანი გადაცემების რაოდენობით "ლოს ანჯელეს ლეიკერსის" ლიდერ კობი ბრაიანტს გაუსწრო. ფრანგი მცველი ყველა დროის სიაში მეშვიდე ადგილზეა და მასზე ზემოთ შემდეგი კალათბურთელები არიან: სკოტი პიპენი (1048 პასი), სტივ ნეში (1061), ლარი ბერდი (1062), ჯეისონ კიდი (1263), ჯონ სტოქტონი (1839) და მეჯიქ ჯონსონი (2346).

- "სან ანტონიოს" ფორვარდს კავაი ლეონარდს თავის ამჟამინდელ გუნდში სურს კარიერის გაგრძელება. კალათბურთელი ამ სეზონის შემდეგ შეზღუდული უფლებების თავისუფალი აგენტი გახდება, მაგრამ არ აპირებს სხვა კლუბების წინადადების განხილვას. სავარაუდოდ, "სპურსის" ხელმძღვანელობა დაუფასებს ერთგულებას ფორვარდს და მას მაქსიმალურ კონტრაქტს შესთავაზებს.

ამასობაში, ლეონარდმა "კლიპერსთან" სერიის მესამე მატჩში 32 ქულა დააგროვა და პლეი ოფში შედეგიანობის პირადი რეკორდი დაამყარა. შეგახსენებთ, რომ რამდენიმე დღის წინ, კავაი 2014-15 წლების რეგულარული ჩემპიონატის საუკეთესო დამცველად გამოაცხადეს.

- ასევე პლეი ოფში შედეგიანობის პირადი რეკორდი დაამყარა "ჰიუსტონის" ლიდერმა ჯეიმს ჰარდენმა. მან "დალასთან" სერიის მესამე მატჩში 42 ქულა მიითვალა.
- "ბრუკლინის" გამთამაშებელმა დერონ უილიამსმა ვერ შეძლო გუშინ "ატლანტასთან" მატჩის დასრულება ზურგის დაზიანების გამო. მცველმა მოედანი პირველ ტაიმში დატოვა. ტრავმის ხარისხის შესახებ მოგვიანებით გახდება ცნობილი.

აღმოსავლეთი
ბოსტონი-კლივლენდი 95:103
25:31, 23:25, 28:28, 19:19
ბ: ტერნერი (19+8 მოხსნა+8 პასი), ბრედლი (18), კროუდერი (16+7 მოხსნა), სალინჯერი (10+8 მოხსნა).
კ: ჯეიმსი (31+11 მოხსნა+4 ჩაჭრა), ლავი (23+9 მოხსნა), სმიტი (15+5 მოხსნა), ირვინგი (13+6 პასი), ტომპსონი (12+7 მოხსნა).
სერია: 0-3

ვაშინგტონი-ტორონტო 106:99
33:35, 21:13, 18:22, 34:29
ვ: გორტატი (24+13 მოხსნა+5 პასი+4 დაფარება), უოლი (19+5 მოხსნა+15 პასი), პირსი (18), ბილი (16+6 მოხსნა+3 დაფარება), გუდენი (12+7 მოხსნა+3 დაფარება), პორტერი (11+8 მოხსნა).
ტ: დეროზანი (32+6 მოხსნა+6 პასი), ლაური (15+7 პასი+4 ჩაჭრა), ჯონსონი (14+12 მოხსნა), როსი (10), პატერსონი (10).
სერია: 3-0

ბრუკლინი-ატლანტა 91:83
31:16, 16:24, 20:22, 24:21
ბ: ლოპესი (22+13 მოხსნა), ბოგდანოვიჩი (19), იანგი (18+11 მოხსნა), ჯონსონი (16+10 მოხსნა+5 პასი).
ა: კეროლი (22+6 მოხსნა), მილსეპი (18+17 მოხსნა+5 ჩაჭრა), ტიგი (12+6 პასი).
სერია: 1-2

დასავლეთი
ნიუ ორლეანი-გ. სტეიტი 119:123 (ო)
26:25, 37:27, 26:17, 19:39, 11:15
ნ-ო: დევისი (29+15 მოხსნა+3 დაფარება), ანდერსონი (26+5 მოხსნა), ევანსი (19+8 პასი+3 ჩაჭრა), კოული (16), ჰოლიდეი (10).
გ-ს: კარი (40+5 მოხსნა+9 პასი), ტომპსონი (28+6 მოხსნა), გრინი (12+17 მოხსნა+5 პასი+3 ჩაჭრა), ლივინგსტონი (12), ბარნსი (11+7 მოხსნა).

ნიუ ორლეანი-გ. სტეიტი 98:109
24:31, 30:36, 13:21, 31:21
ნ-ო: დევისი (36+11 მოხსნა+3 დაფარება), გორდონი (29+5 პასი), ანდერსონი (10+6 მოხსნა), კანინგემი (10+8 მოხსნა).
გ-ს: კარი (39+9 პასი+8 მოხსნა), ტომპსონი (25), გრინი (22+10 მოხსნა+8 პასი).
სერია: 0:4

დალასი-ჰიუსტონი 128:130
36:42, 36:23, 27:36, 29:29
დ: ნოვიცკი (34+8 მოხსნა), ელისი (34+9 პასი), ამინუ (15+5 მოხსნა), ბარეა (11+6 მოხსნა+9 პასი), ჰარისი (10).
ჰ: ჰარდენი (42+5 მოხსნა+9 პასი), სმიტი (18), ბრიუერი (15), არიზა (13), ჰოვარდი (13+26 მოხსნა), ჯონსი (12+6 მოხსნა).
სერია: 0-3

სან ანტონიო-კლიპერსი 100:73
25:16, 21:22, 24:11, 39:24
ს-ა: ლეონარდი (32+3 ჩაჭრა), დიაო (15+6 მოხსნა), გრინი (11+6 მოხსნა+3 ჩაჭრა).
კ: გრიფინი (14+10 მოხსნა+5 პასი), რივერსი (11), ჯორდანი (10+8 მოხსნა).
სერია: 2-1

პორტლენდი-მემფისი 109:115
19:24, 30:38, 26:23, 34:30
პ: ბატუმი (27+6 მოხსნა), მაკალუმი (26), ლილარდი (22+9 პასი), ოლდრიჯი (21+7 მოხსნა+5 პასი).
მ: გასოლი (25+7 მოხსნა+3 დაფარება), ლი (20+5 მოხსნა), რენდოლფი (16), კონლი (14), კალატესი (13).
სერია: 0:3

ყოველდღიური სპორტული გაზეთი "ლელო"