NBA. რეგულარული ჩემპიონატი: კობი ბრაიანტმა კარიერა 60 ქულით დაასრულა

რეგულარული სეზონის დასასრული ფანტასტიკური გამოვიდა. "გოლდენ სტეიტმა" და კობი ბრაიანტმა უდიდესი სპექტაკლი შემოგვთავაზეს და თან, ისტორიული რეკორდებიც დაამყარეს...

კობი ბრაიანტი
"ლეიკერსის" ლეგენდამ ბოლო მატჩი ჩაატარა კარიერაში. "იუტას" წინააღმდეგ მან მოედანზე 42 წუთი გაატარა და 60 ქულა დააგროვა. კობიმ თამაშიდან 50 ტყორცნა შეასრულა და 22 ბურთი ჩააგდო (21-დან 6 სამქულიანი), აგრეთვე 12 საჯარიმოდან 10 მოათავსა კალათში.

- 37 წლისა და 235 დღის ასაკში, ის გახდა ყველაზე ასაკოვანი მოთამაშე NBA-ის ისტორიაში, ვინც მინიმუმ 50 ქულა ჩაიწერა აქტივში.

- წინა ყველაზე ასაკოვანი კალათბურთელი, ვინც მატჩში მინიმუმ 60 ქულა დააგროვა, უილტ ჩემბერლენი იყო. მან 1968-69 წლების სეზონში 32 წლისა და 172 დღის ასაკში, "ლეიკერსის" მაისურით "ფინიქსს" 66 ქულა ჩაუგდო.

- 30 წელს გადაცილებულმა სამმა მოთამაშემ შეძლო ერთ მატჩში მინიმუმ 60 ქულის აღება - ბრაიანტმა (ორჯერ), ჩემბერლენმა (სამჯერ) და ტომ ჩემბერსმა.

- კობი NBA-ის რეკორდსმენი გახდა გამოსათხოვარ მატჩში დაგროვილი ქულების რაოდენობით. ქარიმ აბდულ-ჯაბარმა თავის ბოლო მატჩში 7 ქულა ჩაიწერა აქტივში, მეჯიქ ჯონსონმა - 8, ლარი ბერდმა - 12, მაიკლ ჯორდანმა - 15, უილტ ჩემბერლენმა - 23.

- 60 ქულა - შედეგიანობის მეხუთე მაჩვენებელია ბრაიანტის კარიერაში.

გოლდენ სტეიტი
რეგულარული ჩემპიონატის ბოლო მატჩში "გოლდენ სტეიტმა" შინ დაამარცხა "მემფისი" - 125:104.

- ეს მოგება 73-ე იყო კალიფორნიული კლუბისთვის წლევანდელ რეგულარულში. ასე რომ, "მეომრებმა" გააუმჯობესეს 1995-96 წლების სეზონის ლეგენდარული "ჩიკაგოს" რეკორდი - 72 მოგება. აღვნიშნავთ, რომ "უორიორზის" მთავარი მწვრთნელი სტივ კერი მაშინდელი "ჩიკაგოს" მოთამაშე იყო.

ამ სეზონში "გოლდენ სტეიტს" კიდევ რამდენიმე მნიშვნელოვანი მიღწევა აქვს:

- 54 მოგება საშინაო არენაზე;
- 34 გასვლითი მოგება სეზონში;
- 24 მოგება ჩემპიონატის სტარტზე;
- 1077 რეალიზებული სამქულიანი;
- არც ერთ გუნდთან არ წააგო სეზონში ორი მატჩი;
- არც ერთხელ არ წააგო ზედიზედ ორი შეხვედრა.

სტივენ კარი
- "გოლდენ სტეიტის" ლიდერმა "მემფისთან" შეხვედრაში 10 სამქულიანი გამოიყენა, რითაც სეზონში ზუსტი შორეული ტყორცნების რაოდენობა 402-მდე აიყვანა. აღვნიშნავთ, რომ ამ სეზონამდე NBA-ის ისტორიაში არც ერთ მოთამაშეს არ ჩაუგდია ერთ ჩემპიონატში 300 სამქულიანიც კი.

- გარდა ამისა, კარი შევიდა ე. წ. 50/40/90-ის კლუბში, როგორც მოთამაშემ, რომელმაც სეზონში თამაშიდან ტყორცნების მინიმუმ 50 პროცენტი, სამქულიანების 40 პროცენტი და ჯარიმების 90 პროცენტი გამოიყენა. ამ კლუბის წევრები არიან: ლარი ბერდი, სტივ ნეში, მარკ პრაისი, რეჯი მილერი, დირკ ნოვიცკი და კევინ დურანტი.

- კარი რეგულარულ სეზონში საშუალოდ 30.1 ქულას აგროვებდა, ასე რომ, მან პირველად მოიგო ჩემპიონატის საუკეთესო ბომბარდირის ტიტული. ეს მიღწევა იმითაც არის აღსანიშნავი, რომ კარი მოედანზე საშუალოდ 34.2 წუთს ატარებდა, რითაც NBA-ის ისტორიაში პირველი კალათბურთელი გახდა, ვინც საშუალოდ 30-ზე მეტი ქულა 35 წუთზე ნაკლებ დროში მიითვალა.

ბოსტონი-მაიამი 98:88
13:35, 25:27, 25:5, 35:21
ბ: ტომასი (21), ბრედლი (17), ტერნერი (16), კრაუდერი (13), ოლინიკი (11).
მ: ჯონსონი (19), უაიტსაიდი (19), დრაგიჩი (18), უეიდი (17).

ბრუკლინი-ტორონტო 96:103
26:16, 21:33, 19:29, 30:25
ბ: ბოგდანოვიჩი (29), კილპატრიკი (12), სლოუნი (11+10 პასი), სიმსი (10).
ტ: პაუელი (30), როსი (24+10 მოხსნა), რაიტი (18), ტომპსონი (12).

შარლოტი-ორლანდო 117:103
38:22, 28:28, 20:29, 31:24
შ: ჯეფერსონი (26), დენიელსი (13), ლემბი (12), ჰოიესი (12), მარვ. უილიამსი (11), ლინი (10).
ო: გორდონი (22), ფურნიე (22), ვუჩევიჩი (17), ჰეზონია (10).

კლივლენდი-დეტროიტი 110:112
24:29, 20:29, 28:24, 31:21
კ: მაკრეი (36), ჯეფერსონი (16), ფრაი (14), მოზგოვი (14+12 მოხსნა), ჯონსი (13).
დ: მიქსი (20), ბულოკი (15), ტოლივერი (15), ბეინსი (14), ბლეიკი (13), ჯონსონი (12), დინუიდი (12).

ვაშინგტონი-ატლანტა 109:98
33:33, 24:26, 27:17, 25:22
ვ: სეშენსი (22), ნენე (19), ტორნტონი (14), დადლი (14), ტემპლი (12).
ა: ჰორფორდი (19), ტიგი (16), მილსეპი (13+11 მოხსნა), ჰარდუეი (13), შრიოდერი (11), სკოტი (10).

ჩიკაგო-ფილადელფია 115:105
16:32, 35:28, 35:13, 29:32
ჩ: მიროტიჩი (32), ჰოლიდეი (29), მაკდერმოტი (16), სნელი (13), ბატლერი (10+12 მოხსნა+10 პასი).
ფ: კოვინგტონი (27), ტომპსონი (21), გრანტი (20), მარშალი (11), სმიტი (10).

დალასი-სან ანტონიო 91:96
27:20, 25:14, 15:31, 24:31
დ: ფელტონი (22), ნოვიცკი (19), უილიამსი (13), მეტიუზი (11), ფაჩულია (8+12 მოხსნა).
ს-ა: მარიანოვიჩი (22+12 მოხსნა), სიმონსი (19), ანდერსონი (15+10 მოხსნა), გრინი (12).

ჰიუსტონი-საკრამენტო 116:81
34:18, 30:26, 28:20, 24:17
ჰ: ჰარდენი (38), ჰოვარდი (14+10 მოხსნა), მაკდანიელსი (11), ბიზლი (10), კაპელა (6+17 მოხსნა).
ს: მაკლემორი (24), ანდერსონი (13), კუფოსი (12+11 მოხსნა), სეტ კარი (10), ეისი (10).

მილუოკი-ინდიანა 92:97
20:37, 26:25, 24:16, 22:19
მ: ანტენტოკუნმპო (19), პარკერი (17), ვონი (10), ინგლსი (10).
ი: ს. ჰილი (25), ალენი (14), რობინსონი (14), სტაკი (12).

მინესოტა-ნიუ ორლეანი 144:109
40:23, 32:27, 34:29, 38:30
მ: მუჰამადი (28), თაუნსი (28+14 მოხსნა), უიგინსი (21), დიენგი (20+11 მოხსნა), ლავინი (19), ბიელიცა (10).
ნ-ო: ენისი (28), აშიქი (24+11 მოხსნა), დაგლასი (22), კანინგემი (17), ფრეიზერი (6+15 პასი).

ლეიკერსი-იუტა 101:96
19:21, 23:36, 24:18, 35:21
ლ: ბრაიანტი (60), კლარკსონი (12).
ი: ლაილსი (18+11 მოხსნა), ჰეივორდი (17), მაკი (12), ინგლსი (12), უიტი (10).

ფინიქსი-კლიპერსი 114:105
25:27, 37:28, 23:20, 29:30
ფ: ტელეტოვიჩი (22), ლოუერი (16+14 მოხსნა), ტაკერი (14), უილიამსი (14+12 მოხსნა), ბუკერი (12), ლენი (10), გუდვინი (10).
კ: უილკოქსი (19), ჯონსონი (19), რივერსი (16), ოლდრიჩი (14+11 მოხსნა), გრინი (12).

პორტლენდი-დენვერი 107:99
27:31, 31:25, 29:23, 20:20
პ: ლილარდი (21), მაკალუმი (17), კრები (16), რობერტსი (14), ამინუ (10).
დ: მუდიაი (25), იოკიჩი (18+12 მოხსნა), ჰარისი (16), ფარიდი (12), ნურკიჩი (11+14 მოხსნა).

გ. სტეიტი-მემფისი 125:104
37:23, 33:27, 32:31, 23:23
გ-ს: კარი (46), ტომპსონი (16), ბარნსი (15), გრინი (11), სპეიტსი (12).
მ: რენდოლფი (24), სტივენსონი (22), გრინი (12), მარტინი (11).

პლეი ოფი
აღმოსავლეთი
კლივლენდი (1)-დეტროიტი (8)
ტორონტო (2)-ინდიანა (7)
მაიამი (3)-შარლოტი (6)
ატლანტა (4)-ბოსტონი (5)

დასავლეთი
გ. სტეიტი (1)-ჰიუსტონი (8)
სან ანტონიო (2)-მემფისი (7)
ოკლაჰომა (3)-დალასი (6)
კლიპერსი (4)-პორტლენდი (5)

შენიშვნა: პლეი ოფი 16 აპრილს დაიწყება

ყოველდღიური სპორტული გაზეთი "ლელო"