ჩინეთში მიმდინარე მსოფლიო ჩემპიონატის 1/4-ფინალში საფრანგეთის ნაკრებმა აშშ-ის ნაკრები სენსაციურად, ანგარიშით 89:79 დაამარცხა და ნახევარფინალში არგენტინის ნაკრების წინააღმდეგ ითამაშებს.
პირველი მეოთხედი ფრედ დასრულდა - 18:18. მეორე მეოთხედში უპირატესობა საფრანგეთის ნაკრებს ჰქონდა და 6-ქულიანი სხვაობით აჯობა აშშ-ს - 27:21.
მესამე მეოთხედი კი ამერიკელების გამარჯვებით დამთავრდა (27:18) და 3 ქულით დაწინაურდნენ - 66:63. თუმცა, ბოლო მეოთხედში შესანიშნავად ითამაშეს ფრანგმა კალათბურთელებმა და 26:13 დაამარცხეს ფავორიტები.
შეხვედრაში ყველაზე მეტი ქულა ამერიკელმა დონოვან მიჩელმა მოაგროვა - 29. ქულების გარდა, მიჩელმა 5-ჯერ მოხსნა ბურთი და 4 შედეგიანი გადაცემა გააკეთა. მარკუს სმარტმა 11 ქულა ჩააგდო, ხოლო კემბა უოლქერმა - 10.
საფრანგეთის ნაკრების ლიდერი ქულებით ივან ფურნიე იყო, "მამლების" 10-მა ნომერმა საკუთარ გუნდს 22 ქულა მოუტანა. შესანიშნავი იყო რუდი გობერი. "იუტა ჯაზის" ცენტრმა 21 ქულა მოიპოვა და 16-ჯერ მოხსნა ბურთი. 18 ქულა მოაგროვა ნანდო დე კოლომ, ხოლო ფანკ ტილიკინამ 11 ქულა ჩააგდო.
მსოფლიოს ჩემპიონატი კალათბურთში. ჩინეთი
აშშ-საფრანგეთი 79:89
(18:18, 21:27, 27:18, 13:26)
![ამერიკამ საფრანგეთი ბრძოლაში დაამარცხა! შტატელების ზედიზედ მეოთხე ოქრო ოლიმპიადაზე [VIDEO]](/pictures/image7/39729cbb17a9c24c610cf3bb4d01401e.jpg "ამერიკამ საფრანგეთი ბრძოლაში დაამარცხა! შტატელების ზედიზედ მეოთხე ოქრო ოლიმპიადაზე [VIDEO]")
![ნამდვილი კალათბურთი მოედანზე! დაძაბულობა, კამათი, აგრესია და რაც მთავარია, დიდებული დაცვა [VIDEO]](/pictures/image7/9cc492a78a4d67889003607764744ec9.png "ნამდვილი კალათბურთი მოედანზე! დაძაბულობა, კამათი, აგრესია და რაც მთავარია, დიდებული დაცვა [VIDEO]")
![მიტჩელის საოცარი შეხვედრა და "იუტას" მორიგი გამარჯვება [VIDEO]](/pictures/image7/38a2ca7147022c67cd48df02f7d124cc.jpg "მიტჩელის საოცარი შეხვედრა და \"იუტას\" მორიგი გამარჯვება [VIDEO]")
![სეზონის საუკეთესო გუნდი დამარცხებულია, კარი - შეუჩერებელი! [VIDEO]](/pictures/image7/09e9a59914eda01e3c7f8da730b069f6.jpeg "სეზონის საუკეთესო გუნდი დამარცხებულია, კარი - შეუჩერებელი! [VIDEO]")
![ზედიზედ მე-15 წაგება.. ტეხასში კალათბურთის მხოლოდ მოგონებები დარჩა [VIDEO]](/pictures/image7/a39f85d6ff883d304bea31b583ee1629.png "ზედიზედ მე-15 წაგება.. ტეხასში კალათბურთის მხოლოდ მოგონებები დარჩა [VIDEO]")
