საქართველოს 16-წლამდელთა ნაკრები ევროპის ჩემპიონატის B დივიზიონში ჯგუფიდან გასვლის ზღვარზეა. ნიკა ცინცაძისა და ლევან ტყეშელაშვილის გაწვრთნილი გუნდი ჯგუფური ეტაპის დასრულებამდე 1 ტურით ადრე გამსვლელ, მეორე ადგილს ისლანდიასთან იყოფს და უკანასკნელ მატჩს სწორედ ამ ქვეყნის ნაკრებთან გამართავს. ქართველებმა დღეს ძალიან იოლად – 81:65 დაამარცხეს ავსტრია და ისლანდიასთან გადამწყვეტ მატჩამდე მივიდნენ.პირველ ადგილზე რუმინეთი გავიდა, რომელმაც თავისი მატჩები დაასრულა და ყველა მოიგო. მასპინძლებმა ბოლო ტურში აუტსაიდერ ბოსნიას გაჭირვებით მოუგეს. ბოსნიელებმა ბოლომდე იბრძოლეს და საბოლოოდ მხოლოდ 1 ქულით – 68:69 წააგეს. ცნობისთვის, საქართველომ
რაც შეეხება ავსტრიასთან მატჩს, საქართველოს ნაკრებს მხოლოდ პირველ პერიოდში გაუჭირდა. ავსტრიელებმა საწყისი პერიოდი 17:14 მოიგეს და მეტსაც მიაღწევდნენ, ნიკა ცინცაძეს და ლევან ტყეშელაშვილს თამაშში ადეკვატური ცვლილებები რომ არ შეეტანათ. საქართველოს ნაკრებმა მეორე პერიოდიდან თამაში გამოაკეთა, მატჩზე კონტროლი დაამყარა და დიდი შესვენებისთვის 6 ქულით გალიდერდა.
მესამე პერიოდი მთლიანად ქართველების იყო. 11-ქულიანი გამარჯვება და ჯამში 17-ქულიანი ლიდერობა ბოლო პერიოდის წინ. საქართველომ საბოლოოდ იოლი გამარჯვება გაიფორმა და ჯგუფიდან გასასვლელად 1 ნაბიჯი – ისლანდიის დამარცხება დარჩა.
ავსტრიასთან შეხვედრაში საუკეთესო შედეგი ლუკა ტაბაღუამ და ავთანდილ ბახტაძემ აჩვენეს. პირველმა 9 ქულა, 6 მოხსნა, 6 პასი მიითვალა, ბახტაძის ანგარიშზე კი 18 ქულა და 9 მოხსნა დაგროვდა. 13 ქულა, 5 მოხსნა და 3 პასი მატე ხატიაშვილის ანგარიშზეა.
საქართველოს ნაკრებისა და ისლანდიის გადამწყვეტი შეხვედრა 9 აგვისტოს, თბილისის დროით 16:30 საათზე გაიმართება. გამარჯვებული 1/8-ფინალში გავა, ხოლო დამარცხებული ბრძოლას 9-16 ადგილებისთვის გააგრძელებს.
GBF.GE
საქართველოს 16-წლამდელთა ნაკრები მასპინძელ რუმინეთთან ბოლო წამებზე დამარცხდა
