საქართველოს კალათბურთელთა ეროვნული ნაკრები საბერძნეთიდან ისრაელში ჩაფრინდა, სადაც 31 აგვისტოდან ევროპის ჩემპიონატში ჩაერთვება.როგორც საქართველოს კალათბურთის ფედერაციის პრესსამსახური იუწყება, გუნდი სასტუმრო "ჰილტონში" დაბინავდა, დღეს, საღამოს 18:00 სთ-ზე კი "თელ ავივ არენაზე" პირველ ვარჯიშს ჩაატარებს.
ისრაელში გამგზავრებამდე საქართველოს ნაკრების მთავარმა მწვრთნელმა ილიას ზუროსმა ევრობასკეტისთვის გუნდის 12-კაციანი სია გამოაცხადა.
- ევრობასკეტი 2017: ილიას ზუროსის 12 რჩეული ცნობილია
ნაკრებთან ერთად ისრაელში იმყოფება ვიქტორ სანიკიძეც, რომელიც გუნდს ტრავმის გამო ვერ ეხმარება.
საქართველოს ნაკრები ევროპის ჩემპიონატზე პირველ შეხვედრას ლიტვის ეროვნულ გუნდთან, 31 აგვისტოს გამართავს.
