საქართველოს ნაკრებმა ევრობასკეტზე გერმანიასთან წააგო [VIDEO]

საგაზეთო სათაური: "საქართველოს ნაკრებმა ცივი შხაპი გადაასხა...
საკუთარ თავს".

როდესაც ყველა ასე თუ ისე დავწყარდით, მოდით გავაკეთოთ არა ცხელ გულზე მიღებული დასკვნები. წესით და რიგით, დიდი არაფერი მომხდარა. დავთმეთ შეხვედრა, 10 ქულის სხვაობით, მე-4 მეოთხედში ავიღეთ 5 ქულა (!!!) და ტაბლოზე აისახა შედეგი 67:57. ასევე, ჩვენ ეს სენი ყოველთვის გვჭირდა და როგორც ჩანს ისევ გვჭირს - ძლიერის დამარცხება, სუსტთან წაგება, დიახ სუსტთან წაგება ვინაიდან გერმანიამ მოიგო ბოლო მატჩი ამ ევრობასკეტზე. განმეორებით ვუყურე ESPN 3 - ზე ავადსახსენებელ მე-4 მეოთხედს, შთაბეჭდიება დამრჩა ისეთი, რომ ბურთი იყო გავარვარებული, სპირალივით ცხელი. ხელის შეხების თანავე, იმწამსვე ბურთი იკარგებოდა. მე არ მახსენდება, ამდენი დაკარგვა, და კატასტროფული 5 ქულა!!!! 4-ჯერ გაიმეორა ამერიკელმა ჟურნალისტმა ერთი და იგივე: "ეს არ არის ის გუნდი, რომელსაც მე ვიცნობ". მადლობა ბიჭებს და ილიას ზუროსს ამისთვის რა თქმა უნდა, რომ მრისხანე სახელი გვაქვს არა მხოლოდ ევროპაში არამედ შეერთებულ შტატებში. მთელი ბოსტონი ქართველებზე ლაპარაკობდა ლიტვის ნაკრების დამარცხების შემდეგ, მაგრამ... დღეს რაღაც მოხდა... ვერავინ, რომ ვერ ახსნის ის მოხდა...დაგვემართა ის, რაც აქამდე გვემართებოდა... ვიცი და მჯერა, რომ ეს არის ჩვენი პირველი და უკანასკნელი ჩავარდნა ამ ჩემპიონატზე. ვიცი, მჯერა და დარწმუნებული ვარ, რომ ღირსეულად ვითამაშებთ ყველა დარჩენილ შეხვედრას. ყველა ქართველს ვინც აქ ვცხოვრობთ, გვენატრებით, ვამაყობთ თქვენით, ვარსებობთ თქვენით. როდესაც მთელი საქართველო ერთ მუშტად იკვრება, მაშინ მათი გაჩერება შეუძლეელი ხდება.

P.S. ამერიკელი მეგობარი მეუბნება - "ისე ამ გამწარებულ ნაკრებს, ჩემი მტერი გადაეყაროსო". ამენ ჩემო ტედი ამენ.

თუ მანუჩარ მარკოიშვილს სამიანები არ წაუვიდა მაშინ ყოველთვის ცუდადაა საქმე.
ზაზა დაცვაში მართლაც კარგია, მაგრამ თავდასხმაში ბურთებს ვერ აგდებს. შენგელია დაიღალა საწყალი და ლიდერობა თავის თავზე სხვა ვერავინ აიღო.
მოკლედ, დღეს ნამდვილი ძველი თბილისის დინამოს საკალათბურთო გუნდივით გამოიყურებოდნენ.