საქართველოს ნაკრებმა მსოფლიოს ჩემპიონატის შესარჩევი მარცხით დაიწყო [VIDEO]

AutoSharing Option
AUTO PLAY
მართლაც დიდი პრობლემის წინაშე აღმოჩნდა საქართველოს ნაკრების მწვრთნელი ილიას ზუროსი მსოფლიოს თასის დაწყების წინ. არა, თაობათა ცვლა ყველა გუნდში გარდაუვალი პროცესია, უმტკივნეულოდ არსად არ მიმდინარეობს, მაგრამ არა მთლად ასე. პლუს იმას, რომ ორმა წამყვანმა კალათბურთელმა დაასრულა სანაკრებო კარიერა, რამოდენიმე ტრავმირებულია, ევროლიგაზე მონაწილე კლუბებმა „ბასკონიამ“ და „უნიკახამ“ ეროვნულ გუნდში თორნიკე შენგელია და გიორგი შერმადინი არ გამოუშვეს და ბერძენი სპეციალისტის განკარგულებაში მხოლოდ ერთ-ერთი ყველაზე სტაბილური მანუჩარ მარკოიშვილი, მეტად სასარგებლო მაიკლ დიქსონი, 18 წლის პერსპექტიული, მაგრამ გამოუცდელი გოგა ბითაძე, რატომღაც წლების განმავლობაში ნაკრებს
მიღმა დარჩენილი ნიკოლოზ ცქიტიშვილი და ეროვნულ ჩემპიონატში მოასპარეზე მოთამაშეები დარჩნენ. გუნდს შესათამაშებლად მხოლოდ ორი დღე ქონდა და მისგან კატეგორიულად შედეგის მოთხოვნა წარმოუდგენელია.

თუმცა, ამ ფორსმაჟორულ სიტუაციაში მოულოდნელად ბევრს მიეცა თავის გამოჩენის შესანიშნავი შესაძლებლობა და როგორც ამბობენ, ჰა, ბურთი და მოედანი .

ჰემნიცში (და არა ქემნიცში) 7 000-იან „მესე არენაზე“ ზუროსმა ყველა გააკვირვა სასტარტო შემადგენლობის დაყენებით: ბოქოლიშვილი,დვალიშვილი,ცქიტიშვილი, მარკოიშვილი, დიქსონი. დებიუტში მასპინძლებმა უპირატესობა მოიპოვეს, ფარიც მოიგეს და მე-4 წუთზე 9:2 დაწინაურდნენ, თუმცა საქართველოს ნაკრებმა საქმქულიანების ხარჯზე მოახერხა პირველი პერიოდის ფრედ, 18:18 დასრულება. უნდა აღინიშნოს, რომ სასტარტო მღელვარება ჩვენმა გუნდმა გადალახა და თავისუფლად ათამაშდა. არ შეიძლება არ ითქვას თამაშში ბერიშვილის კარგად ჩართვა.

მეორე მეოთხედში ზუროსმა თამამად მიმართა როტაციას, ჩვენი კალათბურთელები უკვე უფრო თამამად და შედეგიანად უტევდნენ პერიმეტრიდან და არათუ ტოლ-სწორად ვეპაექრეთ მეტოქეს, არამედ დავჯაბნეთ კიდეც და ტაიმი 1 ქულით მოვიგეთ, თუმცა უფრო დიდი ანგარიშითაც შეგვეძლო გავსულიყავით შესვენებაზე.

მესამე პერიოდის დასაწყისი ისევე როგორც მეორის დასასრული მასპინძლებმა უკეთ ჩაატარეს, წინაც გავიდნენ, თან მარკოიშვილმა და ბითაძემ 4-4 პერსონალური მიიღეს, მწვრთნელი იძულებული შეიქნა დაესვენებინა და ჩვენი გუნდის სასახელოდ უნდა ითქვას, მაინც მოახერხეს ბოლო მეოთხედის წინ 1-ქულიანი უპირატესობის შენარჩუნება.

დასკვნით პერიოდში ბითაძემ მეხუთე პერსონალური მიიღო, გერმანიამ დაცვაში უკეთ ითამაშა, პერიმეტრიც გადაგვიკეტა, ჩვენი წამყვანი კალათბურთელებიც დაიღალნენ და კარგად დაწყებული საქმე ბოლოში წყალში გადაიყარა 70:79.

რა შეიძლება ერთგვარი რეზიუმეს სახით ითქვას? მიუხედავად უდიდესი საკადრო პრობლემებისა, საქართველოს ნაკრებმა მთლიანობაში არ დატოვა ურიგო შთაბეჭდილება, სამი პერიოდი იგებდა კიდეც და რაც მთავარია, გუნდის რეზერვი გამოჩნდა. ასე რომ, ამ წაგებაში ტრაგიკული არაფერია.

Sportall.Ge
მკითხველის კომენტარები / 33 /
ფაქტია რომ ამდენს არავინ ველოდით ამ ფორმაციის ნაკრებიდან, მაგრამ მაინც იბრძოლეს ბიჭებმა და გული და სული დადეს, მაგრამ ჩემი აზრით ზუროსმა ერთი შეცდომა დაუშვა რამაც ბოლო პერიოდში იჩინა თავი - დიქსონს რომ არ მისცა დასვენების საშუალება, თითო პერიოდში 2-3 წუთით მაინც უნდა დაესვენა, მიუხედევად იმისა რომ შემცვლელების კრიზისია, მაგრამ უნდა გაერისკა. ბოლოს მოვიმკეთ ეს, ფაქტიურად ვეღარ დადიოდა დიქსონი, ბურთს ვერ იკავებდა, არადა დიდებული ლეგიონერი გვყვავს. კოკოშკოვი დასვამდა, ისე როგორც დრაგიჩი ჩამოსვა ფინალში და რა დროს!
ზაზა
25 ნოემბერი 2017 02:49
4
ამ ნაკრებიდან ასეთ თამაშს მართლა არ ველოდით. დიქსონი დიდებული იყო, მაგრამ ბოლო ხუთი წუთი ჩააგდო, უნდა მიეცა ზუროსს ცოტა მაინც დასვენების საშუალება.
guri
25 ნოემბერი 2017 08:56
0
ბრავო ზუროსს! ეს კაცი ფოკუსნიკია! ამ შემადგენლობით რა თამაში ითამაშა! ბრავო ყველას. მთელ გუნდს
ზუკა
25 ნოემბერი 2017 01:18
2
გაორეგუბული შეგრძნება დამრჩა იომეს და წააგეს და მადლობა ბრძოლისთვის მაინც ვიტყოდი თითოელმა მოთამაშემ და ყველამ ერთად უფრო მეტი უნდა მოინდომოს კარგად გამოიყენოს თავისი პლიუსები და ბევრი იშრომოს კიდე ერთხელ მადლობა
კახა
25 ნოემბერი 2017 00:39
1
ამ ცქიტიშვილს რა ეტყობა ენბეაში ნათამაშევი,სამიანებში რომ არ გაგვმართლოდა ნახავდით წაგებას, ისე ყოჩაღ ბიჭებს თავდადებისთვის
fani
25 ნოემბერი 2017 01:22
5
დიქსონი მხეცია ჩვენში. დამაიმედებელი მარცხია თითქოს.
ანდრი
25 ნოემბერი 2017 00:31
1
არანაირი კომბიმაცია , ამიტომ ისროსნენ 3 იანებს რადგან კომბინაციებს ვერ აკეთებდნენ ამას დაემატა ფარის ქვეშ 0 ი შედეგი. და როგორც კი სამქულიანების სროლის საშუალება დაბლოკეს გერმანელებმა: აი მაშინ წავაგეთ. ანუ ბიჭებს ტალანტი აქვთ, თამაში შეუძლიათ უმაღლეს დონეზე, მაგრამ ამჯერად ნაკრები თავიდან ასაშენებელია. ამხანაგური თამაშებია ჩასატარებელი.
Japaridze
25 ნოემბერი 2017 01:47
4
და შენი აზრით სამიანების სროლას არ უნდა კომბინაციები? ისე, როგორც გაუსწორდებათ და საიდანაც გაუსწორდებოდათ ისე ისროდნენ? თავისუფალი სასროლი პოზიცია თავისით ჩნდება? წადი რა ჰოკეის უყურე. ამ შემადგენლობით ამდენსაც ვერავინ იფიქრებდა რომ შეძლებდა ჩვენი ნაკრები. ძალიანაც კარგად ითამაშეს. ეს თამაში აქ რომ ყოფილიყო უეჭველი მოვუგებდით
beno
25 ნოემბერი 2017 10:56
1
რა კომბინაცია უნდა დაამუშავო 3-4 დღეში?მადლობა ბიჭებს !დიქსონი ხომ საერთოდ მხეცია:)) ევროპაზე უფრო მეტი შეეძლო, მაგრამ ცინცაძის ჩრდილში იყო.საერთო ჯამში ყველაფრის გათვალისწინებით,მე მგონი ურიგო შედეგი არ არის.მე უფრო უარესს ველოდი:))
tazo
25 ნოემბერი 2017 10:12
1
კლასი გვაკლია, რაც ბუნებრივია. ჩვენი ჩემპიონატის კლუბები ევროპაში არ თამაშობენ (დინამო წელს შევიდა). უმჯობესია ეს ტურნირი ახლაგაზრდებისთვის გამოვიყენოთ. 1-2 ბებერი მოთამაშე შემადგენლობაში არ უნდა იყოს. არფარს აკეთებენ და ახალგაზრდების ადგილი კი უკავიათ. ბითაძეს ზრდა არ ეტყობა. ეს ძალიან სამწუხაროა.
gogig
25 ნოემბერი 2017 00:37
7
ყოჩაღ ზუროს და ბიჭებს.
გიორგი
25 ნოემბერი 2017 01:44
1
ეს ცქიტიშვილი ყოველთვის გაბლატავებული იყო. კოკოშკოვს უძახა არაპროფესიონალი, და ეს მაშინ როცა ირანის თუ ლიბიის ჩემპიონატში ”მოგზაურობდა” და ნაკრებში თამაშს ითხოვდა...
brooklyn
25 ნოემბერი 2017 03:30
5
ეეეეეჰ დავრჩით რაგბის იმედად ყველა სპორტის სახეობა უკან მიდის რაგბის გარდა
912
25 ნოემბერი 2017 01:18
11

ასევე დაგაინტერესებთ
სიახლეები პოპულარული