1. თელ ავივში აიაკრონის ქუჩაზე ლურჯ-ყვითელ ფერებში გაფორმებულ პატარა შენობას შეხვდებით. ზედ მიმაგრებულია კალათი, რომელშიც ბურთი ეშვება. იქვე "მაკაბის" დროშები ფრიალებს, ოღონდ რა დანიშნულებისაა, მუზეუმია, ფან-შოპი თუ ოფისი, სწორედ ამის გასარკვევად, ხუთი კიბე ავიარე.
2. ორი წლის წინ "მილანის" მუზეუმში კახა კალაძეს ვეძებდი და გუნდური ფოტოს გარდა, ვერსად ვიპოვე. ლურჯ-ყვითელ შენობაში გიორგი შერმადინთან "შეხვედრის" იმედი მქონდა. ვნახე - გუნდის ლეგენდების გვერდით მისი სურათი საპატიო ადგილას ეკიდა. არადა, მან "მაკაბიში" მხოლოდ ნახევარი წელი ითამაშა (2012).
3. დარბაზში შევიდეთ, სადაც საქართველოს ნაკრების
4. ნაცნობი სანახაობა წარმოგვიდგინა "თელავიველმა ოთარ მამასახლისმა", რომელიც საწყის ტურებში შესვენებებზე ხშირად ჩნდებოდა მოედანზე. ჯერ ბურთს კენწლავდა, შემდეგ იატაკზე დაუგდებლად კიბეზე ადიოდა, ყველაზე "ეფექტური" ნომერი ბოტასის შუბლზე დაყენება იყო...
5. თამაშების შემდეგ ხშირად ნახავთ კალათბურთელებს, ავტობუსის უკან ცოლებს თუ "გერლფრენდებს" რომ ესაუბრებიან. გერმანიის ნაკრებისა და "ატლანტა ჰოქსის" გამთამაშებელ დენის შრიოდერს თელ ავივში სწორედ მეგობარი გოგონა ახლავს, რომელიც "ატლანტას" ფორმით აქტიურად ქომაგობს გულის სწორს.ინტერნეტში ბევრი ვეძებე ინფორმაცია გერმანელი ვარსკვლავის "გერლფრენდის" შესახებ, მაგრამ არ ჰყავსო - ეწერა. აი, თუ არ ჰყავს:
6. საქართველო-გერმანიის თამაშზე ტრიბუნების პირველ რიგში ორი პატარა ბიჭი ზაზას სახელს ხმამაღლა ყვიროდა. მივუახლოვდი და კითხვაც არ იყო საჭირო იმის მისახვედრად, ვინ იყვნენ: ფაჩულიას ქომაგი დალასელი ებრაელები. 2016 წლის პლაკატი ეჭირათ - "დალასი"-"იუტას" მატჩისა. ზაზას ქომაგები რომ არ ყოფილიყვნენ დღემდე არ შეინახავდნენ, ხოლო ებრაელები რომ არ ყოფილიყვნენ, კასპის მაისურები არ ეცმეოდათ.
7. თელ ავივში რომ მივდიოდი ერთ-ერთ მიზნად ისრაელის ნაკრებისა და "გოლდენ სტეიტის" ფორვარდის ომრი კასპის ინტერვიუს ჩაწერა დავისახე, ისე როგორ წამოვიდოდი ისრაელიდან, ჩემი მშობლიური ქალაქის, კასპის არსებობა არ შემეტყობინებინა. თამაშებისგან თავისუფალ დღეს ამ ინტერვიუს აუცილებლად შემოგთავაზებთ, აქ კი ერთ ფოტოს ვაქვეყნებთ, რომელიც "ფეისბუქზე" ასეთი სათაურით დავდე: "დღეს დაბალი კასპი მოიგებს". ზედმეტად თამამი "პოსტია", მაგრამ მჯეროდა. მჯეროდა საქართველოს ნაკრების, რომელსაც ყველაზე კრიტიკულ მომენტში ძალების საოცარი მობილიზება შეუძლია.
8. მასპინძელი ჩვენთან წაგებით ჯგუფში ჩარჩა... გაზეთებს, ასე უმოწყალოდ ისრაელის გაბრაზებული გულშემატკივრის გარდა არავინ მოეპყრობოდა...
ვაჟა სიმონიშვილი თელ ავივიდან
ყოველდღიური სპორტული გაზეთი "ლელო"
