იტალიის ჩემპიონატის მე-5 ტურში გიორგი მარკოიშვილის "რეჯიო ემილია" გასვლაზე დიდი ანგარიშით 69:92 დამარცხდა ტრენტოს "დოლომიტი ენერჯისთან". მასპინძლები ამ შეხვედრაში მეორე პერიოდიდან დომინირებდნენ და გამარჯვება ეჭვქვეშ არც ერთი წუთით არ დაუყენებიათ. სამწუხაროდ, თამაში არ წაუვიდა მარკოიშვილს, რომელიც 30 წუთში ოდენ 2 ქულით შეეწია თავის გუნდს. მან ხუთიდან მხოლოდ 1 ორქულიანი ჩააგდო, ოთხივე სამქულიანი ააცილა მიზანს, ორჯერ მოხსნა და სამჯერ ჩაჭრა ბურთი.
"რეჯიო ემილია" 0 ქულით სატურნირო ცხრილში უკანასკნელ ადგილზეა.
