ევროთასის მე-2 ეტაპის მე-4 ტურში მანუჩარ მარკოიშვილის "რეჯიო ემილია" სახლში "უნიკსს" შეხვდა, რომელიც 16 იანვარს ყაზანში 71:69 დაამარცხა და კვლავ დაძაბულ ბრძოლაში სძლია 76:75.
პირველი მეოთხედი სტუმრებმა 13 ქულით მოიგეს, მაგრამ შემდეგ მანუჩარის გუნდი დაეუფლა უპირატესობას, განსაკუთრებით კარგად ბოლო მეოთხედი ჩაატარა და უმნიშვნელოვანესი გამარჯვება მოიპოვა.
"რეჯიო ემილიას" 3 მოგება აქვს, ვილერბანის "ასველთან" პირველ - მეორე ადგილს იყოფს და ორი მატჩი აქვს დარჩენილი: 30 იანვარს საფრანგეთში უქულო აუტსაიდერ "ლიმოჟს" ხვდება, ხოლო 6 თებერვალს "ასველს" მასპინძლობს.
შემდეგ ეტაპზე ოთხგუნდიანი ჯგუფიდან ორი გუნდი გადის და კარგი სტარტისა და კარგი კალენდრის გათვალისწინებით "რეჯიო ემილიას" მე-2 ჯგუფური ბარიერის გადალახვის ჩინებული შესაძლებლობა აქვს.
მარკოიშვილმა 24:56 წუთში 5 ქულა ჩააგდო (4-დან 1 ორქულიანი და 5-დან 1 სამქულიანი), ორრჯერ მოხსნა ბურთი და 3 შედეგიანი გადაცემა გააკეთა.
ორივე გუნდიდან 21 ქულით ყველაზე შედეგიანი მისი თანაგუნდელი ამადეო დელა ვალე იყო.
02:15 25-01-2018
მანუჩარ მარკოიშვილის "რეჯიო ემილიამ" "უნიკსი" ისევ დაამარცხა [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
