საქართველოს ნაკრებისა და "ანდორას" კალათბურთელმა ბექა ბურჯანაძემ ვარჯიში დაიწყო. 24 წლის კალათბურთელს უკვე 1 წელზე მეტია არ უთამაშია.
Sportall.ge ბურჯანაძეს დაუკავშირდა და ჯანმრთელობის მდგომარეობის შესახებ დაეკითხა.
"უფლის წყალობით, გამოჯანმრთელების პროცესი კარგად მიდის. რეაბილიტაცია გაიწელა, მაგრამ ახლა თავს კარგად ვგრძნობ.
პარასკევს ინდივიდუალურად ვარჯიში დავიწყე და ვნახოთ, ამას როგორი შედეგი მოჰყვება.
ჯერჯერობით არ ვიცი, თუ როდის შევძლებ თამაშს. იმედია, სეზონის ბოლოს შევძლებ დაბრუნებას, მაგრამ ზუსტ თარიღს ვერ გეტყვით.
"ანდორასთან" კონტრაქტი 2019 წლამდე მაქვს და მომავალ სეზონშიც ამ გუნდში ვიქნები", - აღნიშნა ბურჯანაძემ.
▶ ბურჯანაძე და პორზინგსი - რა აკავშირებთ კალათბურთელებს ერთმანეთთან?
