ევროლიგის მე-11 ტურის დასკვნით მატჩში თორნიკე შენგელიას და მეტ ჯენინგის "ბასკონიამ" საკუთარ მოედანზე ერთ-ერთ ლიდერს ცსკა-ს 76:73 სძლია.
"ბასკონია" მიმდინარე სეზონში ევროლიგაზე წარუმატებლად ასპარეზობს და გამარჯვება ჰაერივით სჭირდებოდა. მთელი მატჩი ქულა-ქულაში მიმდინარეობდა და მასპინძლთა გამარჯვებით დასრულდა.
შენგელიამ 32:09 წუთში 15 ქულა ჩააგდო (11-დან 4 ორქულიანი, 3-დან 1 სამქულიანი, 4-დან 4 საჯარიმო), 8-ჯერ მოხსნა, ერთხელ ჩაჭრა და ერთხელ დაკარგა ბურთი, 3 შედეგიანი გადაცემა გააკეთა, მასზე 9-ჯერ დაჯარიმდნენ და მისი მარგი ქმედების კოეფიციენტი 23 იყო.
თორნიკეზე უფრო მაღალი სარგებლიანობის კოეფიციენტი მხოლოდ ვენსან პუარეს (ბასკონია) და გორი ჰიგინსს (ცსკა) ჰქონდათ - 25-25.
ჯენინგის ანგარიშზე 26:26 წუთში 13 ქულა, 3 მოხსნა და 3 შედეგიანი პასია.
შეხვედრის ყველაზე შედეგიანი მოთამაშე 20 ქულით არმიელი ალეკს პეტერსი იყო, ხოლო პუარეს ანგარიშზე 18 ქულაა.
"ბასკონია" 4 მოგებით სატურნირო ცხრილში მე-12 ადგილზეა.
![alt](/pictures/image50/d23bc15b34bef68854b15a0d1c7c8b5b.jpg "შენგელიამ კარგად ითამაშა და "ბასკონიამ" ცსკა დაამარცხა")
თორნიკე შენგელიას მომენტები "პანათინაიკოსთან" შეხვედრაში [VIDEO]
![შენგელიას 20 ქულა და 10 მოხსნა "ბრეშასთან" - თოკო ბრწყინვალე ფორმაშია [VIDEO]](/pictures/image7/6bb4200cf064126e2648639f8f296c86.jpg "შენგელიას 20 ქულა და 10 მოხსნა \"ბრეშასთან\" - თოკო ბრწყინვალე ფორმაშია [VIDEO]")
