16 მარტს ზაზა ფაჩულიას "დეტროიტი" შინ "ლოს-ანჯელეს ლეიკერს" შეხვდა და 111:97 დაამარცხა.
ქართველი ცენტრი შეხვედრაში სათადარიგოთა სკამიდან ჩაერთო და პარკეტზე საბოლოო ჯამში 9:16 წუთი გაატარა. ამ ხნის განმავლობაში ფაჩულიამ 4 ქულა, 2 მოხსნა და 2 პასი მიითვალა, ბურთი კი ერთხელ დაკარგა.
შეხვედრაში ყველაზე მეტი 23 ქულა მასპინძელთა კალათბურთელმა ლენგსტონ გელოვეიმ ჩააგდო, ანდრე დრამონდმა 19 ქულას 23 მოხსნა მიამატა. ბლეიკ გრიფინმა კი 15 ქულა და 9 პასი მოაგროვა.
"ლეიკერსიდან" ჯავალ მაკგი გამოირჩა, რომელმაც 20 ქულასა და 13 მოხსნას მოუყარა თავი. კაილ კუზმამ 12 ქულა, 10 პასი და 6 მოხსნა მიითვალა.
ამ მოგების შემდეგ "დეტროიტს" 35 გამარჯვება და 33 მარცხი დაუგროვდა, რითაც აღმოსავლეთ კონფერენციაში მე-6 ადგილზე აღზევდა.
ზაზა ფაჩულიას გუნდი მომდევნო მატჩს შინ 18 მარტჩს "ტორონტოსთან" ჩვენი დროით 00:00 საათზე გამართავს.
დღის სხვა მატჩები ასე დასრულდა:
კლიპერსი-ჩიკაგო 128:121
სან ანტონიო-ნიუ იორკი 109:83
ჰიუსტონი-ფინიქსი 108:102
მაიამი-მილუოკი 98:113
ნიუ ორლეანი-პორტლენდი 110:122
ფილადელფია-საკრამენტო 123:114
ვაშინგტონი-შარლოტი 110:116
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
