"ბასკონიასა" და საქართველოს ნაკრების კაპიტანმა თორნიკე შენგელიამ ესპანელ ჟურნალისტებთან საუბრისას განაცხადა, რომ NBA-ს კლუბებიდან შემოთავაზებები ჰქონდა, თუმცა გარანტიების ვერმიღების გამო ბასკურ კლუბში დარჩენა გადაწყვიტა. "მქონდა რამდენიმე შემოთავაზება NBA-ს "ფრენჩაიზებიდან", თუმცა ისინი სათამაშო წუთების გარანტიას არ მაძლევდნენ, მე კი თამაში მსურს და ამიტომაც დავრჩი "ბასკონიაში".
ასევე, მინდა ვისარგებლო საშუალებით და გავამხნევო "ოლიმპიაკოსის" მთავარი მწვრთნელი დევიდ ბლატი. ის შესანიშნავი ადამიანია. "ბასკონიას" სახელით მსურს გამოჯანმრთლება ვუსურვო. ჩვენ გვჯერა, ის დაავადებას დაამარცხებს და უფრო ძლიერი დადგება ფეხზე", - განაცხადა თორნიკე შენგელიამ.
"კლივლენდ კავალიერსის" ყოფილ
დამრიგებელ დევიდ ბლატს გაფანტული სკლეროზი დაუდგინდა და საკმაოდ რთულ მდგომარეობაშია. თოკო შენგელია კი ესპანეთის ჩემპიონატს სექტემბრის ბოლოდან დაიწყებს, იქამდე "ბასკონიას" მოსამზადებელი მატჩები ელოდება.
სახედასისხლიანებულ თორნიკე შენგელიას ოპერაცია დასჭირდა [VIDEO] 
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
