დუდა სანაძემ ყატარის ჩემპიონატში მორიგი შედეგიანი მატჩი ჩაატარა. საქართველოს ეროვნული ნაკრების წევრი "ალ ხორის" ღირსებას იცავს, რომლის მორიგი მეტოქე ჩემპიონატის ერთ-ერთი ლიდერი "ალ არაბი" გახლდათ. სანაძის გუნდი 68:74 დამარცხდა, ქართველი უკანახაზელი კი შედეგიანობით საუკეთესო იყო.დუდამ შეუცვლელად, 40 წუთს ითამაშა და 27 ქულა, 9 მოხსნა (2 შეტევაში), 4 პასი, 3 ჩაჭრა და 1 დაფარება მიითვალა. ქართველმა მცველმა 17-დან 10 ორქულიანი, 7-დან 1 სამქულიანი და 5-დან 4 საჯარიმო ჩააგდო, ბურთი 2-ჯერ დაკარგა, ამდენივე პერსონალური ჯარიმა მიიღო, მის წინააღმდეგ კი 6-ჯერ დაჯარიმდნენ.
"ალ ხორს" 5 მატჩში ერთადერთი მოგება აქვს და სატურნირო ცხრილში ბოლოსწინა, მე-8 ადგილზე იმყოფება, მომდევნო მატჩს კი 27 დეკემბერს, "ალ სადთან" ჩაატარებს.
GBF.GE
![alt](/pictures/image50/a5f3e87b3240a53b525721a1cc9c75cb.jpg "დუდა სანაძის სუპერ მატჩი "ალ ხორისთვის" მოსაგებად საკმარისი არ აღმოჩნდა")
სანაძის 25 ქულა და პირველი გამარჯვება ყატარში
