გიორგი შერმადინი ესპანეთის ჩემპიონატის მე-19 ტურის სიმბოლურ ხუთეულში მოხვდა. ეს მან ყველაზე მეტად დაიმსახურა, რადგან მთელ ტურში საუკეთესო შედეგი ჰქონდა.შეგახსენებთ, რომ გუშინ ტენერიფელები აუტსაიდერ "გიპუზკოა ბასკეტს" სტუმრობდნენ და სენსაციურად - 87:89 წააგეს, თუმცა ამაში შერმადინს ვერავინ დაადანაშაულებს, რადგანაც ის 28 ქულით საუკეთესო იყო არა მხოლოდ ამ შეხვედრაში, არამედ - სრულიად ტურში.
ქართველმა ცენტრმა 31 წუთში 15-დან 13 ორქულიანი და 3-დან 2 საჯარიმო ჩააგდო და 28 ქულას 6 მოხსნა და 4 პასიც წაამატა, მისი მარგი ქმედების კოეფიციენტი კი 33-ს გაუტოლდა,
შერმადინის გარდა, სიმბოლურ ხუთეულში მოხვდნენ: ვალტერ ტავარესი (რეალი, 12 მოხსნა), ნიკ კალატესი (ბარსელონა, 10 პასი), ალბერტო აბალდე (რეალი, 4 სამქულიანი) და დეიან კრავიჩი (სან პაბლო ბურგოსი, 14 ქულა ბოლო მეოთხედში).
"იბეროსტარ ტენერიფეს" 18 ტურში 14 მოგება შერჩა და სატურნირო ცხრილში "ბასკონიასთან" ერთად, მესამე-მეოთხე ადგილებს ინაწილებს. შერმადინის გუნდი მომდევნო მატჩს 16 იანვარს ჩაატარებს, მეტოქე კი ბექა ბურჯანაძის "გრან კანარია" იქნება.
GBF.GE
შერმადინის 28 ქულა აუტსაიდერის დასამარცხებლად საკმარისი არ აღმოჩნდა
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
