ბექა ბურჯანაძემ “რეალ ბეტისში” სუპერდებიუტი მოიწყო. ქართველმა ფორვარდმა ახალ გუნდში პირველი ოფიციალური მატჩი ესპანეთის ჩემპიონატის პირველ ტურში ითამაშა და თავის გუნდს გამარჯვებაში დიდად დაეხმარა. საქართველოს ნაკრების წევრმა 12:26 წუთში 17 ქულა მიითვალა, მისმა “ბეტისმა” კი “ანდორა” დამატებით დროში – 102:98 დაამარცხა.აღსანიშნავია, რომ ბექა 3 წლის წინ “ანდორას” ღირსებას იცავდა და მან ამჯერად ყოფილი გუნდის დამარცხებაში ლომის წილი დაიდო. ბურჯანაძემ შესაშური სიზუსტე გამოავლინა და 4-დან 4 ორქულიანი, 4-დან ერთი სამქულიანი და 6-დან 6 საჯარიმო ჩააგდო. მატჩის MVP კეიდენ კარინგტონი გახდა.
მომდევნო ტურში, 23 სექტემბერს “ბეტისი” სტუმრად “მურსიას” დაუპირისპირდება, რომლის ღირსებასაც საქართველოს ნაკრების ნატურალიზებული ამერიკელი კალათბურთელი, თად მაკფადენი იცავს.
GBF.GE
![alt](/pictures/image50/520572481438c8ffbf570612f67d14da.jpg "ბურჯანაძის სუპერდებიუტი "ბეტისში" და გამარჯვება ოვერტაიმში")
ბექა ბურჯანაძე კარიერას ესპანურ "ბეტისში" გააგრძელებს
