საქართველოს ეროვნული ნაკრების წევრმა ბექა ბურჯანაძემ ესპანეთის ჩემპიონატში მორიგი მატჩი გამართა. მისი “ბეტისი” სტუმრად “სარაგოსას” შეხვდა და 10 ქულით – 72:82 დამარცხდა. ქართველი ფორვარდი სასტარტო ხუთეულში იყო და მოედანზე 20:18 წუთი გაატარა. ბურჯანაძემ 3-დან 2 ორქულიანი, 3-დან 1 სამიანი და 3-დან 2 საჯარიმო ჩააგდო. საბოლოოდ მის ანგარიშზე 9 ქულა და 1 მოხსნა დაგროვდა. ბეტისელთაგან საუკეთესო ვიტო ბრაუნი იყო 23 ქულითა და 9 მოხსნით.
ბურჯანაძის გუნდს 2 მოგება და 7 მარცხი აქვს და ცხრილში ფუენლაბრადასთან ერთად ბოლო ადგილს იყოფს. შემდეგ მატჩს
“ბეტისი” 14 ნოემბერს, შინ შერმადინის “ტენერიფესთან” გამართავს.
GBF.GE
![alt](/pictures/image50/c5f7390b7e20fe16a22ba1a1f6dfc6b4.jpg "ბურჯანაძის 9 ქულა და "ბეტისის" 10-ქულიანი მარცხი "სარაგოსასთან"")
ბურჯანაძის 6 სამქულიანი და მისი "ბეტისის" გამარჯვება ვალენსიაში
