ბექა ბურჯანაძის "ბეტისი" ესპანეთის უმაღლეს – ლიგა ენდესაში დასარჩენად იბრძვის, თუმცა საიმედო ამ ტურში ვერაფერი ქნა. ბეტისელები მორიგ ტურში “უნიკახას” ესტუმრნენ და 80:96 დამარცხდნენ. სასიამოვნო ამბავი კი ისაა, რომ ბურჯანაძე სასტარტო ხუთეულში გამოჩნდა.ბექამ მოედანზე 21:32 წუთი გაატარა და ეს ყველაზე დიდი დროა გასული წლის 11 დეკემბრის შემდეგ, როდესაც ქართველმა ლეგიონერმა "ხუვენტუდთან" 25:29 წუთი ითამაშა.
ამჯერად ბურჯანაძის მონაგარი 8 ქულა, 3 მოხსნა, 1 ჩაჭრა და 1 პასი იყო. მან ხუთივე ორქულიანი ააცილა, თუმცა 3-დან 2 სამქულიანი და 2-ვე საჯარიმო ჩააგდო,
"ბეტისის" მაჩვენებლები 6 მოგება და 18 მარცხია და ის უახლოეს კონკურენტებს 2 გამარჯვებით ჩამორჩება. ამდენად, ელიტაში დასარჩენად დიდი ბრძოლა მოუწევს. ბურჯანაძის კლუბი მომდევნო მატჩს 2 აპრილს თად მაკფადენის "მურსიასთან" ჩაატარებს.
GBF.GE
![alt](/pictures/image50/ba0d73000e36f8fddbace3dd6833f633.jpg "ბურჯანაძემ სასტარტოში ითამაშა და "უნიკახას" 8 ქულა ჩაუგდო")
ბექა ბურჯანაძემ ტრავმა მოირჩინა და "ბეტისის" ხუთეულში ითამაშა
