დუდა სანაძის მორიგი სუპერმატჩი კვიპროსში. ეროვნული ჩემპიონატის მორიგ ტურში ქართველი მსროლელის "ანორთოსისმა" "ახილეასს" უმასპინძლა და მეტოქე ოვერტაიმში – 83:79 დაამარცხა. აღსანიშნავია, რომ ეს ზედიზედ მეორე ოვერტაიმში მოგებული მატჩია "ანორთოსისისთვის" და ახლაც გადამწყვეტი სიტყვა დუდა სანაძემ თქვა.ოვერტაიმში მასპინძლების მიერ ჩაგდებული 15 ქულიდან 10 სანაძის ანგარიშზე იყო. დუდამ თითქმის შეუცვლელად – 43:39 წუთი ითამაშა და 34 ქულა, 8 მოხსნა, 6 პასი და 2 ჩაჭრა მიითვალა. ქართველმა კალათბურთელმა 9-დან 7 ორქულიანი, 7-დან 3 სამქულიანი და 13-დან 11 საჯარიმო ჩააგდო, ბურთი 6-ჯერ დაკარგა,
სანაძის მოედანზე ყოფნის პერიოდში ფამაგუსტელებმა მეტოქეზე 5 ქულით მეტი ჩააგდეს, დუდას სარგებლიანობის კოეფიციენტი კი 36-ს გაუტოლდა და ის მატჩის უძვირფასესი მოთამაშე (MVP) გახდა.
სანაძეს კვიპროსის ჩემპიონატში საშუალოდ 26.6 ქულა, 4.8 პასი და 2.0 ჩაჭრა აქვს და ქულების მხრივ მხოლოდ "ეტა ენგომისის" ლეგიონერ მალიკ ქარის (29.8) ჩამორჩება. "ანორთოსისი" მომდევნო მატჩს 21 დეკემბერს სწორედ ლიგის ამერიკელი ბომბარდირის გუნდთან ჩაატარებს.
GBF.GE
![alt](/pictures/image50/95d0d9e700052580993142b4d5407dfe.jpeg "სანაძის 34 ქულა – ქართველმა სნაიპერმა "ანორთოსისს" ოვერტაიმში მოაგებინა")
სანაძის 21 ქულა და "ანორთოსისის" გასვლითი გამარჯვება ლიდერ "აპოელთან"
