რეგულარული ჩემპიონატის მეორე მატჩი და მეორე გამარჯვება: "ორლანდო მეჯიქმა", რომლის ღირსებასაც გოგა ბითაზე იცავს, შინ გამართული ზედიზედ მეორ შეხვედრაში "ბრუკლინს" უმასპინძლა და 116:101 დაამარცხა, რაშიც ქართველი ცენტრის წილი მოკრძალებულია.ბითაძემ არასრული 6 წუთი ითამაშა. გოგა თამაშში მეორე პერიოდის დასაწყისიდან ჩაერთო და მოედანზე გატარებულ დროში 3 ქულა და 2 მოხსნა მიითვალა. საქართველოს ნაკრების ცენტრმა 2-დან 1 ორქულიანი ჩააგდო და ასეთივე შედეგიანობით ესროლა საჯარიმოებიც.
საუკეთესო ისევ პაოლო ბანკერო გახ
და, რომელმაც 29 ქულა დააგროვა. "ორლანდოს" ძირითადმა ცენტრმა, ვენდელ კარტერმა 8 ქულა, 10 მოხსნა და 4 პასი მიითვალა 31 წუთში. შემდეგი მატჩი "ორლანდოს" 27 ოქტომბერს, მემფისში, "გრიზლისთან" ელის.
GBF.GE
![alt](/pictures/image50/68130cb879519d366cb5a9d05a30d0b3.png ""ორლანდოს" გამარჯვება "ბრუკლინთან" და ბითაძის პირველი ქულები ახალ სეზონში")
"ორლანდომ" ნბა-ს სეზონი "მაიამისთან" მოგებით გახსნა | ბითაძეს 5 წუთი დაუთმეს
