კარიერის საუკეთესო მაჩვენებელთან ახლოს... ლუკა დონჩიჩი ფანტასტიკურ ფორმაშია [VIDEO]

AutoSharing Option
AUTO PLAY
დღეს, 15 თებერვალს, "დალას მავერიქსმა" "პორტლენდ ტრეილბლეიზერსს" უმასპინძლა და დაძაბულ ბრძოლაში 118:121 დამარცხდა. 

ლუკა დონჩიჩმა ბოლო თამაშში ("პელიკანსის" წინააღმდეგ) კარიერის საუკეთესო თამაშის (46 ქულა) შემდეგ მორიგი ფანტასტიკური შეხვედრა ჩაატარა. დღეს ახალგაზრდა ვუნდერკინდის ანგარიშზე 44 ქულა, 7 მოხსნა და 9 შედეგიანი გადაცემა გახლდათ. 

კრისტაპს პორზინგისმა თავისი შესაფერისი შეხვედრა ნამდვილად ვერ ჩაატარა. ლატვიელმა თავი 18 ქულას, 8 მოხსნას, 1 ჩაჭრასა და 2 დაფარებას მოუყარა. 

"პორტლენდის" რიგებიდან გუნდის მთავარი ვარსკვლავი დემიენ ლილარდი გამოირჩა, რომელმაც აქტივში 34 ქულა, 3 მოხსნა,
11 შედეგიანი გადაცემა და 1 ჩაჭრა ჩაიწერა. 

რობერტ კოვინგტონის ანგარიშზე 15 ქულა, 5 მოხსნა და 4 ჩაჭრა გახლდათ. 

13 მოგებითა და 15 მარცხით "დალასი" დასავლეთ კონფერენციაში მე-10 ადგილს იკავებს. 

რაც შეეხება "ტრეილბლეიზერსს",  მათ 16 გამარჯვება და 10 მარცხი აქვთ, რითაც ამავე კონფერენციაში მე-5 ადგილზე იმყოფებიან. 

"მავერიქსი" მომდევნო მატჩს 18 თებერვალს, "დეტროიტ პისტონსის" წინააღმდეგ ჩაატარებს. თავის მხრივ, "პორტლენდი" 17 თებერვალს "ოკლაჰომა სითი თანდერს" დაუპირისპირდება. 

altდონჩიჩის კარიერის საუკეთესო თამაში და გამარჯვება "პელიკანსთან" [VIDEO]

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული