დღეს, 26 მაისს, ნაციონალურ საკალათბურთო ასოციაციაში პლეი-ოფის მორიგი შეხვედრები გაიმართა.
"ბრუკლინ ნეტსმა" "ბოსტონ სელტიკსს" უმასპინძლა და 22-ქულიანი სხვაობით, 130:108 დაამარცხა.
მასპინძელთა რიგებიდან საუკეთესო კევინ დურანტი გახლდათ, რომელმაც 26 ქულა, 8 მოხსნა, 5 შედეგიანი გადაცემა, 1 ჩაჭრა და 4 დაფარება დააგროვა.
ჯო ჰარისმა თავი 25 ქულით, 4 მოხსნით, 3 შედეგიანი გადაცემით, 2 ჩაჭრითა და 1 დაფარებით გამოიჩინა.
რაც შეეხება "სელტიკსს", საუკეთესო მექულე მარკუს სმარტი გახლდათ, რომელმაც 19 ქულა, 3 მოხსნა, 6 შედეგიანი გადაცემა და 2 ჩაჭრა მიითვალა.
კემბა უოლკერმა გუნდს 17
ქულა, 3 მოხსნა და 6 შედეგიანი გადაცემა შესძინა.
ამრიგად, "ნეტსს" სერია 2:0 მიჰყავს. მომდევნო ორი შეხვედრა უკვე ბოსტონში, TD Garden-ში გაიმართება. თამაშები 29 და 31 მაისსაა ჩანიშნული.
"ფინიქს სანსმა" მოქმედ ჩემპიონებს სერიაში მეორედ უმასპინძლა, თუმცა ამჯერად გამარჯვება კალიფორნიელებმა მოიპოვეს, ანგარიშით 109:102.
"სანსის" რიგებიდან საუკეთესო დევინ ბუკერი გახლდათ, რომელმაც დღევანდელ შეხვედრაში 31 ქულა, 1 მოხსნა და 3 შედეგიანი გადაცემა დააგროვა.
დეანდრე ეიტონმა 22 ქულა, 10 მოხსნა და 1 შედეგიანი გადაცემა მიითვალა.
რაც შეეხება "ლეიკერსს", ენტონი დევისმა გუნდს 34 ქულა, 10 მოხსნა, 7 შედეგიანი გადაცემა, 1 ჩაჭრა და 3 დაფარება შესძინა.
ლებრონ ჯეიმსმა თავი 23 ქულით, 4 მოხსნით, 9 შედეგიანი გადაცემითა და 2 ჩაჭრით გამოიჩინა.
ამრიგად, დღევანდელი შეხვედრის შემდეგ სერიაში ანგარიში გათანაბრდა, მომდევნო 2 შეხვედრა კი ლოს-ანჯელესში, 28 და 30 მაისს გაიმართება.
"ლოს ანჯელეს კლიპერსმა" "დალას მავერიკსს" უმასპინძლა და მეორედ დამარცხდა. დღევანდელი შეხვედრა სტუმართა გამარჯვებით, 127:121 დასრულდა.
მასპინძელთა რიგებიდან საუკეთესო კავაი ლეონარდი გახლდათ, რომელმაც თავი 41 ქულით, 6 მოხსნით, 4 შედეგიანი გადაცემითა და 2 ჩაჭრით გამოიჩინა.
პოლ ჯორჯმა 28 ქულა, 12 მოხსნა, 6 შედეგიანი გადაცემა და 1 ჩაჭრა დააგროვა.
რაც შეეხება "დალასს", ფანტასტიკური შეხვედრა ჩაატარა ლუკა დონჩიჩმა, რომელმაც გუნდს 39 ქულა, 7 მოხსნა, ამდენივე შედეგიანი გადაცემა, 1 ჩაჭრა და 1-იც დაფარება შესძინა.
ტიმ ჰარდევეიმ 28 ქულა, 1 მოხსნა, 5 შედეგიანი გადაცემა და 1 ჩაჭრა მიითვალა.
ამრიგად, სერიაში ანგარიში "მავერიკსის" სასარგებლოდ 2:0 გახლავთ. მომდევნო ორი შეხვედრა დალასში გაიმართება, კონტურებიდან კი ჩანს, რომ პროექტი "ლოს ანჯელეს კლიპერსი" ზედიზედ მეორე წელს ჩავარდება. მომდევნო თამაშები 29 და 31 მაისს ჩატარდება.
იანისი ისე გაერთო, თავი ფეხბურთელი ეგონა და ბურთის კენწვლა დაიწყო; "პორტლენდს" იოკიჩის გაბრაზება ძვირი დაუჯდა [VIDEO]
დიდი სენსაცია! დიდი გამარჯვებითა და მოულოდნელობით დაწყებული პლეი-ოფი [VIDEO]
![ჯეიმსი VS დურანტი - "ლეიკერსის" 22 ქულიანი ქამბექი "ფინიქს სანზთან" [VIDEO]](/pictures/image7/0d53bce192b04544adafcc268e540733.jpg "ჯეიმსი VS დურანტი - \"ლეიკერსის\" 22 ქულიანი ქამბექი \"ფინიქს სანზთან\" [VIDEO]")
![სუპერმატჩი და შეუჩერებელი ლებრონ ჯეიმსი - 39 წლის კალათბურთელმა Dream Team-ს გერმანიასთანაც მოაგებინა [VIDEO]](/pictures/image7/3b32e5855dbd3381c476b25135f4b517.jpg "სუპერმატჩი და შეუჩერებელი ლებრონ ჯეიმსი - 39 წლის კალათბურთელმა Dream Team-ს გერმანიასთანაც მოაგებინა [VIDEO]")
![სამხრეთ სუდანს სენსაციამდე რამდენიმე წამი დააკლდა - აშშ მარცხისგან ლებრონ ჯეიმსმა იხსნა [VIDEO]](/pictures/image7/662dd6a8f0f3f449653149f257f9c9f0.jpg "სამხრეთ სუდანს სენსაციამდე რამდენიმე წამი დააკლდა - აშშ მარცხისგან ლებრონ ჯეიმსმა იხსნა [VIDEO]")
![პირველად კალათბურთის და მეოთხედ ამერიკული სპორტის ისტორიაში - მამა-შვილი ლებრონ და ბრონი ჯეიმსები თანაგუნდელები გახდნენ! [VIDEO]](/pictures/image7/ede934b62ef64a1f1a7cc4417a8da93b.png "პირველად კალათბურთის და მეოთხედ ამერიკული სპორტის ისტორიაში - მამა-შვილი ლებრონ და ბრონი ჯეიმსები თანაგუნდელები გახდნენ! [VIDEO]")
![დონჩიჩისა და ირვინგის კომბინირებული 72 ქულა - "დალას მავერიქსი" სუპერფინალში გავიდა [VIDEO]](/pictures/image7/05e672d565dcf752ff6277c1eea20260.jpg "დონჩიჩისა და ირვინგის კომბინირებული 72 ქულა - \"დალას მავერიქსი\" სუპერფინალში გავიდა [VIDEO]")
