ნაციონალურ საკალათბურთო ასოციაციაში საგამოფენო შეხვედრები გრძელდება.
"დალას მავერიკსი" "შარლოტ ჰორნეტსს" ესტუმრა და NBA-ს ისტორიაში ყველაზე დიდი სხვაობით, 68-ქულიანი უპირატესობით, 127:59 დაამარცხა.
სტუმართა რიგებიდან საუკეთესო მექულე ტიმ ჰარდევეი ჯუნიორი გახლდათ, რომელმაც 20 ქულა, 4 მოხსნა, 2 შედეგიანი გადაცემა და ამდენივე დაფარება დააგროვა.
კრისტაპს პორზინგისის ანგარიშზე 17 ქულა, 9 მოხსნა, 2 შედეგიანი გადაცემა და 2-იც ჩაჭრა გახლდათ.
მასპინძელთა მხრიდან კი ჯეიმს ბოუკნაითი გამოირჩა, რომელმაც თავი 12 ქულით, 1 მოხსნითა და 1 შედეგიანი გადაცემით გამოიჩინა.
"დალასი" პრესეზონის ბოლო შეხვედრას 16 ოქტომბერს, "მილუოკი ბაქსის" წინააღმდეგ გამართავს, 2021/22 წლების სეზონს კი "ატლანტა ჰოუქსთან" გახსნის. შეხვედრა 22 ოქტომბერს გაიმართება.
თავის მხრივ, "ჰორნეტსმა" საგამოფენო 4 შეხვედრიდან 3 დათმო. ახალი სეზონის პირველ მატჩს 21 ოქტომბერს "ინდიანა პეისერსთან" გამართავს.
![alt](/pictures/image50/e8fa31176aef2944b0edf176ad842e83.png ""შარლოტ ჰორნეტსი" NBA-ის ისტორიაში ყველაზე დიდი ანგარიშით დამარცხდა [VIDEO]")
ქართველების დღე NBA-ში [VIDEO]
