ნაციონალურ საკალათბურთო ასოციაციაში მორიგი შეხვედრები გაიმართა.
"ჩიკაგო ბულსმა" "დენვერ ნაგეტსს" უმასპინძლა და 109:97 დაამარცხა.
მასპინძელთა რიგებიდან საუკეთესო ზაკ ლავინი გახლდათ, რომელმაც თავი 32 ქულით, 3 მოხსნით, 8 შედეგიანი გადაცემითა და 1 ჩაჭრით გამოიჩინა.
ლონზო ბოლმა და ნიკოლა ვუჩევიჩმა თანაბარი, 20-20 ქულა და 10-10 მოხსნა მიითვალეს. ამავდროულად, ლონზოს 4 შედეგიანი გადაცემა და ამდენივე დაფარება ჰქონდა.
რაც შეეხება "დენვერს", ნიკოლა იოკიჩმა გუნდს 17 ქულა, 12 მოხსნა, 15 შედეგიანი გადაცემა
და 2 ჩაჭრა შესძინა, ლეგენდარულ ლარი ბერდს კარიერაში მოგროვებული სამმაგი დუბლის რაოდენობით გადაასწრო და მე-8 ადგილზე გადავიდა (იოკიჩი 60, ბერდი 59).
ამრიგად, "ჩიკაგო" 17 გამარჯვებითა და 8 მარცხით აღმოსავლეთ კონფერენციაში მე-2 ადგილს იკავებს, მომდევნო შეხვედრას კი 9 დეკემბერს, "კლივლენდ კავალიერსის" წინააღმდეგ გამართავს.
"ნაგეტსი" 11 მოგებითა და 12 წაგებით დასავლეთში მე-8 პოზიციაზე იმყოფება. შემდეგ მატჩს იმავე 9 დეკემბერს, "ნიუ ორლეანს პელიკანსის" პირისპირ გამართავს.
"ფილადელფია" "შარლოტ ჰორნეტსს" ესტუმრა და 127:124 დაამარცხა.
მასპინძელთა მხრიდან კელი უბრე ჯუნიორმა თავი 35 ქულით, 5 მოხსნით, 3 შედეგიანი გადაცემით, 4 ჩაჭრითა და 1 დაფარებით გამოიჩინა.
მაილის ბრიჯისმა გუნდს 16 ქულა, 6 მოხსნა და ამდენივე შედეგიანი გადაცემა შესძინა.
რაც შეეხება "ფილადელფიას", კამერუნელმა ვარსკვლავმა ჯოელ ემბიდმა 43 ქულა, 15 მოხსნა, 7 შედეგიანი გადაცემა და 1 ჩაჭრა დააგროვა.
ასე და ამგვარად, ჰორნეტსი" 14 გამარჯვებითა და 12 მარცხით აღმოსავლეთ კონფერენციაში მე-8 ადგილზე იმყოფება. თავის მხრივ, "ფილა" 13 მოგებითა და 11 წაგებით იმავე აღმოსავლეთში მე-7 პოზიციას იკავებს.
ეს გუნდები 9 დეკემბერს ერთმანეთს ისევ დაუპირისპირდებიან.
![alt](/pictures/image50/8e31bf1e13b74be6aaf84f52867676c0.jpg "კამერუნელი ვარსკვლავის შესანიშნავი მატჩი და "ჩიკაგოს" მორიგი გამარჯვება [VIDEO]")
ინგრამის შესანიშნავი მატჩი "როკეტსის" დასამარცხებლად საკმარისი არ აღმოჩნდა [VIDEO]
