ნაციონალურ საკალათბურთო ასოციაციაში მორიგი შეხვედრები გაიმართა.
"ლოს ანჯელეს ლეიკერსმა" "მინესოტა ტიმბერვულვზს" უმასპინძლა და 108:103 დაამარცხა.
მასპინძელთა შემადგენლობიდან საუკეთესო ლებრონ ჯეიმსი გახლდათ, რომელმაც თავი 26 ქულით, 7 მოხსნით, 5 შედეგიანი გადაცემით, 3 ჩაჭრითა და 1 დაფარებით გამოიჩინა.
მალიკ მონკმა 22 ქულა, 1 შედეგიანი გადაცემა, ამდენივე ჩაჭრა და 2 დაფარება მიითვალა.
რასელ უესტბრუქმა 20 ქულა, 3 მოხსნა, 5 შედეგიანი გადაცემა, 1 ჩაჭრა და 1-იც დაფარება დააგროვა. აღსანიშნავია 9 დაკარგვაც.
რაც შეეხება "ტიმბერვულვზს", ნეზ რაიდმა გუნდს 23 ქულა, 11 მოხსნა და 2 შედეგიანი
გადაცემა შესძინა.
ამრიგად, "ლეიკერსი" 19 მოგებითა და ამდენივე მარცხით დასავლეთ კონფერენციაში მე-7 ადგილს იკავებს. მომდევნო შეხვედრას 5 იანვარს, "საკრამენტო კინგსის" წინააღმდეგ გამართავს.
"მინესოტა" 16 გამარჯვებითა და 20 წაგებით იმავე დასავლეთში მე-9 პოზიციაზე იმყოფება, შემდეგ მატჩს კი 4 იანვარს, "ლოს ანჯელეს კლიპერსის" პირისპირ ჩაატარებს.
"ბოსტონ სელტიკსმა" "ორლანდო მეჯიქს" უმასპინძლა და 116:111 დაამარცხა.
მასპინძელთა შემადგენლობიდან ჯეილინ ბრაუნმა თავი 50 ქულით, 11 მოხსნით, 4 შედეგიანი გადაცემით, 1 ჩაჭრითა და 2 დაფარებით გამოიჩინა.
დენის შროდერმა 21 ქულა, 3 მოხსნა, 7 შედეგიანი გადაცემა და 1 ჩაჭრა დააგროვა.
რაც შეეხება "მეჯიქს", ტერენს როსმა გუნდს 33 ქულა, 5 მოხსნა და 3 ჩაჭრა შესძინა.
უენდელ კარტერ ჯუნიორმა 15 ქულა, 16 მოხსნა, 7 შედეგიანი გადაცემა, 1 ჩაჭრა და ამდენივე დაფარება მიითვალა.
ამრიგად, "სელტიკსი" 18 მოგებითა და 19 წაგებით აღმოსავლეთ კონფერენციაში მე-9 ადგილს იკავებს. მომდევნო შეხვედრას 6 იანვარს, "სან ანტონიო სპურსის" წინააღმდეგ გამართავს.
"ორლანდო" 7 გამარჯვებითა და 30 მარცხით იმავე აღმოსავლეთში ბოლოსწინა, მე-14 პოზიციაზე იმყოფება, შემდეგ მატჩს კი 4 იანვარს, "ჩიკაგო ბულზის" პირისპირ ჩაატარებს.
ვარსკვლავების 66 ქულა საკმარისი არ აღმოჩნდა - "ბრუკლინი" დამარცხდა [VIDEO]
