ნაციონალურ საკალათბურთო ასოციაციაში "შარლოტ ჰორნეტსმა" "ლოს ანჯელეს ლეიკერსს" უმასპინძლა და 117:114 დაამარცხა.
მასპინძელთა რიგებიდან მაილის ბრიჯისმა 26 ქულა, 8 მოხსნა, 6 შედეგიანი გადაცემა, 2 ჩაჭრა და 1 დაფარება დააგროვა.
"ლეიკერსის" შემადგენლობიდან ლებრონ ჯეიმსისა და ენტონი დევისის არყოფნაში, რასელ უესტბრუქმა გუნდს 35 ქულა, 4 მოხსნა და 5 შედეგიანი გადაცემა შესძინა.
კარმელო ენტონიმ თავი 19 ქულით, 5 მოხსნით, 5 შედეგიანი გადაცემით, 2 ჩაჭრითა და ამდენივე დაფარებით გამოიჩინა. 37 წლის კალათბურთელი ამ შეხვედრის შემდეგ ლიგის ისტორიაში მე-9 კალათბურთელი გახდა, რომელმაც 28 000 ქულიან ზღვარს მიაღწია (ზუსტად 28 000 აქვს ამ მომენტში კარმელოს).
ამრიგად, "ჰორნეტსი" 28 მოგებითა და 22 წაგებით აღმოსავლეთ კონფერენციაში მე-7 ადგილზე იმყოფება, მომდევნო შეხვედრას ხვალ, 30 იანვარს, "ლოს ანჯელეს კლიპერსის" წინააღმდეგ გამართავს.
კალიფორნიელები 24 გამარჯვებითა და 26 მარცხით დასავლეთში მე-9 ადგილს იკავებენ, შემდეგ მატჩს კი ასევე 30 იანვარს, "ატლანტა ჰაუქსის" პირისპირ ჩაატარებენ.
