ნაციონალურ საკალათბურთო ასოციაციაში "ატლანტა ჰოუქსმა" ზედიზედ 11 გამარჯვების მქონე "ფინიქს სანსს" უმასპინძლა და 124:115 დაამარცხა.
მასპინძელთა მხრიდან ტრეი იანგმა 43 ქულა (16/25), 5 შედეგიანი გადაცემა და 1 ჩაჭრა დააგროვა.
ჯონ კოლინსმა და კევინ უერტერმა თანაბარი, 19-19 ქულა მიითვალეს.
რაც შეეხება "სანსს", ტრადიციულად დევინ ბუკერი გამოირჩა, რომელმაც თავი 32 ქულით, 3 მოხსნითა და 1 ჩაჭრით გამოიჩინა.
კრის პოლმა გუნდს 18 ქულა, 4 მოხსნა, 12 შედეგიანი გადაცემა, 3 ჩაჭრა შესძინა. აღსანიშნავია 0 დაკარგვაც.
ამრიგად, "ჰოუქსი" 25 მოგებითა და 26 წაგებით აღმოსავლეთ კონფერენციაში მე-10 ადგილზე იმყოფება. შემდეგ მატჩს ხვალ, 5 თებერვალს, "ტორონტო რეპტორსის" წინააღმდეგ ჩაატარებს.
"ფინიქსი" 41 გამარჯვებითა და 10 მარცხით ლიგის საუკეთესო შედეგს აფიქსირებს, მომდევნო ტურის შეხვედრას კი 6 თებერვალს, "ვაშინგტონ ვიზარდსის" პირისპირ გამართავს.
