ნაციონალურ საკალათბურთო ასოციაციაში "ჩიკაგო ბულზსმა" "მინესოტა ტიმბერვულვზს" უმასპინძლა და 134:122 დაამარცხა.
მასპინძელთა მხრიდან 4-მა კალათბურთელმა 20 ქულიანი ზღვარის გადალახვა მოახერხა.
საუკეთესო დემარ დეროუზანი გახლდათ, რომელმაც თავი 35 ქულით, 6 მოხსნით, ამდენივე შედეგიანი გადაცემითა და 1 ჩაჭრით გამოიჩინა.
ნიკოლა ვუჩევიჩმა აქტივში 26 ქულა, 8 მოხსნა და 7 შედეგიანი გადაცემა ჩაიწერა.
სტუმართა შემადგენლობიდან ენტონი ედვარდსმა გუნდს 31 ქულა, 6 მოხსნა, 8 შედეგიანი გადაცემა და 1 დაფარება შესძინა.
კარლ ენტონი თაუნსმა 27 ქულა, 8 მოხსნა, 8-ც შედეგიანი გადაცემა, 2 ჩაჭრა და 1 დაფარება დააგროვა.
ამრიგად, "ბულზსი" 35 გამარჯვებითა და 21 წაგებით აღმოსავლეთ კონფერენციაში მე-3 ადგილზე იმყოფება, მომდევნო შეხვედრას 13 თებერვალს, "ოკლაჰომა სითი თანდერის" წინააღმდეგ გამართავს.
"ტიმბერვულვზი" 29 მოგებითა და 27 მარცხით დასავლეთში მე-7 პოზიციას იკავებს, შემდეგ მატჩს 14 თებერვალს, "ინდიანა პეისერსის" პირისპირ ჩაატარებს.
