The Telegraph: მერაბ კვირიკაშვილის ტრაგიკული ამბავი გვიჩვენებს, როგორ შეუძლია რაგბის ყველაზე ღრმა ჭრილობების მოშუშება

ცნობილმა ბრიტანულმა გამოცემა telegraph-მა უელსი-საქართველოს სარაგბო დაპირისპირების წინ მერაბ კვირიკაშვილის ისტორია გაიხსენა.

The Telegraph: მერაბ კვირიკაშვილს რაგბი ჭრილობების მოშუშებაში დაეხმარა
შეგახსენებთ, რომ ავტოავარიის შედეგად კვირიკაშვილის მეუღლე გარდაიცვალა, ხოლო მეორე მანქანაში - სამი ადამიანი.

მერაბ კვირიკაშვილის ტრაგიკული ისტორია გვიჩვენებს, თუ როგორ შეუძლია რაგბის, ადამიანს სულიერი ჭრილობები მოუშუშოს.

ქართველი მორაგბე იმ ავტოკატასტროფის მონაწილე იყო, სადაც მისი მეუღლე დაიღუპა. ეს ავარია ქუთაისი-სამტრედიის გზაზე მოხდა.

წელიწადზე მეტია უკვე გასული და დაბრუნებაში კვირიკაშვილს სპორტი დაეხმარა. მალე შეიძლება ის უელსის ნაკრების წინააღმდეგ ვიხილოთ.

"ეს იყო ძალიან ემოციური მომენტი მერაბისთვის, ნამდვილი საშინელება. შემთხვევის შემდეგ, რამდენიმე კვირაში ვუთხარი, რომ რაგბი მას დაეხმარებოდა, კონცენტრაცია მოეხდინა სხვა დეტალებზე", - თქვა საქართველოს ნაკრების მთავარმა მწვრთნელმა მილტონ ჰეიგმა.

კვირიკაშვილი "ბორჯღალოსნებს" გასული წლის ნოემბერში დაუბრუნდა, იაპონიის წინააღმდეგ შეხვედრაში. ამ მატჩში საქართველო 22:28 დამარცხდა, კვირიკაშვილმა ორი გარდასახვა და ერთი ჯარიმა შეასრულა.

ქართველი მორაგბე ნაკრებში რეგულარულად თამაშობდა, მას 106-ზე მეტი მატჩი აქვს ჩატარებული "ბორჯღალოსნებში". ის ერთ-ერთი ყველაზე გამოცდილი მორაგბეა და უელსთან პირველივე წუთებიდან უნდა ველოდოთ.

"მე გაოცებული ვარ მერაბ კვირიკაშვილით, მე ვერ წარმომიდგენია ნაკრები მის გარეშე. ჩვენ ყველამ გავიზიარეთ მისი მწუხარება და ეს აჩვენებს, რომ რაგბი ერთი ოჯახია.

ჩვენ ვითამაშებთ რაგბის ერთ-ერთ ყველაზე ძლიერ გუნდთან, ერთ-ერთ ყველაზე დიდებულ სარაგბო ადგილას. ჩვენ გვაქვს საქმე ე.წ. გოლიათის წინააღმდეგ, რომელსაც უნდა შევებრძოლოთ. თუ ჩვენ კარგად ვითამაშებთ, ეს იქნება კიდევ ერთი არგუმენტი, რომ ჩვენ ექვს ერში თამაშს ვიმსახურებთ", - ამბობს მილტონ ჰეიგი.