© თამუნა ყულუმბეგაშვილი
27 აგვისტოს "ბორჯღალოსნებმა" "თიბისი რაგბის სერიების" პირველ მატჩში სამხრეთაფრიკულ "საუზერნ კინგს" უმასპინძლა და მიხეილ მესხის სტადიონზე ანგარიშით 24:20 სძლია.
მატჩის დებიუტშივე ტრავმა მიიღო "ბორჯღალოსნების" მესამეხაზელმა გიორგი ცუცქირიძემ - მან წვივის მცირე ძვლის მოტეხილობა მიიღო, რის გამოც, სამწუხაროდ, გამოეთიშა გუნდს და "ბორჯღალოსნებს" მსოფლიო თასზე ვერ დაეხმარება. გიორგის უკვე ჩაუტარდა ოპერაცია და მას წინ რეაბილიტაციის პერიოდი აქვს.
მატჩის პირველივე ტაიმში ასევე დაშავდა "ბორჯღალოსნების" კაპიტანი, მერაბ შარიქაძე. სამედიცინო შტაბი იმედიანად არის. მას უკვე ჩაუტარდა შესაბამისი სკანირება და ამ ეტაპზე ცნობილია,
რომ თბილისში შოტლანდიასთან გასამართ მატჩს გამოტოვებს. შარიქაძე რჩება შეკრებაზე და სამედიცინო შტაბის მეთვალყურეობის ქვეშ გაივლის შესაბამის პროცედურებს, რათა მსოფლიო თასისთვის საუკეთესო ფორმაში იყოს.
მომზადებულია rugby.ge-ს მიხედვით
![დიდებული პირველი ტაიმის შემდეგ საქართველოს ნაკრები იტალიასთან დამარცხდა [VIDEO]](/pictures/image7/76b9fbee4c9a672a0528d182d6155e68.jpg "დიდებული პირველი ტაიმის შემდეგ საქართველოს ნაკრები იტალიასთან დამარცხდა [VIDEO]")
