ბორჯღალოსანთა მეორეხაზელი გიორგი ნემსაძე ფიქრობს, რომ უკანასკნელ 4 წელიწადში „ჩვენი გუნდი ბევრად უფრო გაზრდილია და უფრო კარგ რაგბს თამაშობს“, რაც იაპონიაში წარმატების საწინდარი უნდა გახდეს.ჩვენი გუნდი 2019 წლის მსოფლიო თასზე პირველ შეხვედრას ორ დღეში, 23 სექტემბერს ჩაატარებს და ნემსაძე ფიქრობს, რომ ნაკრები უელსთან მატჩს მომზადებული ხვდება:
„ხანგრძლივი და დამღლელი მოსამზადებელი პერიოდის შემდეგ, თავს ყველანი კარგად ვგრძნობთ და მოუთმენლად ველით პირველი თამაშის დაწყებას“ - ამბობს ვეტერანი მორაგბე, რომელსაც 26 სექტემბერს 35 წელი უსრულდება და დასკვნით მოსამზადებელ პერიოდზე გვიყვება:
„ტოკუშიმაში ცხელი
„მზადების პროცესში გვქონდა ერთობლივი ვარჯიში ადგილობრივ გუნდთან. გამოვცადეთ ახალი კომბინაციები, როგორც დერეფანში, ასევე მთელს სისტემაში. დეტალების დახვეწისას გამოჩნდა მცირედი პრობლემები დაცვაშიც და შეტევაშიც, დარჩენილი დრო კი მათ გამოსწორებას დავუთმეთ. ‘ჰონდა ჰით’-თან ერთობლივი ვარჯიში იყო ჩვენი მოსამზადებელი ეტაპის დამაგვირგვინებელი ფაზა“.
უელსთან განსაკუთრებული მონდომებით
ბორჯღალოსნების სამწვრთნელო შტაბმა უკვე დაასახელა შემადგენლობა უელსთან მატჩისთვის და ნემსაძე თამაშს სასტარტო შემადგენლობაში იწყებს. ეს მისთვის 93-ე სანაკრებო კეპი და მესამე მსოფლიო თასი იქნება.
მიუხედავად იმისა, რომ მეტოქე მრისხანეთა კატეგორიას განეკუთვნება, გიორგი ფიქრობს, რომ საქართველო უშანსოდ არ იქნება:
„უელსს განსაკუთრებული მონდომების და ამბიციის ხარჯზე უნდა ვაჯობოთ. ჩვენი პირველი მეტოქე დღესდღეისობით მსოფლიოს ერთ-ერთი საუკეთესო გუნდია, თუ საუკეთესო არა! მაგრამ მიმაჩნია, რომ მათთან ბრძოლა შესაძლებელია. უნდა შევძლოთ ჩვენი უპირატესობების გამოყენება, თითოეული მცირედი შანსიც კი ქულებში ავსახოთ, მატჩში ბოლომდე დავრჩეთ და მეტოქე წნეხის ქვეშ მოვაქციოთ“.
ნემსაძის აზრით, კარგი თამაშის იმედს მოსამზადებელ ეტაპზე ექვსი ერის კიდევ ერთ წარმომადგენელთან, შოტლანდიასთან ორი მატჩის გამართვა იძლევა:
„აქამდე არასდროს გვქონია შესაძლებლობა, შოტლანდიის დარ გუნდთან მიყოლებით ორჯერ გვეთამაშა. ამ ორმა შეხვედრამ დაგვანახა, რომ პირველისგან განსხვავებით, მეორე მატჩში ბევრი რამ უკეთ გამოგვივიდა და დავინახეთ ისიც, რომ კიდევ უფრო უკეთ თამაში შეგვიძლია“.
უელსთან მატჩში, თითქმის სამწლიანი შესვენების შემდეგ, ბორჯღალოსნების კვართით ითამაშებს მამუკა გორგოძე. გიორგი ნემსაძე თვლის, რომ ეს გუნდს მნიშვნელოვნად გააძლიერებს:
„მამუკა გორგოძე ავტორიტეტია არა მხოლოდ ქართული, არამედ მსოფლიო რაგბისთვისაც. ის მაგალითია ბევრი ახალგაზრდა მოთამაშისთვის და ვფიქრობ, მათთვის დიდი პატივი, სტიმული და მოტივაცია იქნება მამუკას მხარდამხარ თამაში. პირადად მე ამაყი ვარ, რომ მის გვერდით ძალიან ბევრჯერ მითამაშია. გორგოძე ჩვენი ნაკრებისთვის უდიდესი ძალაა და დიდი სარგებლის მოტანა შეუძლია“.
„უელსს განსაკუთრებული მონდომების და ამბიციის ხარჯზე უნდა ვაჯობოთ. ჩვენი პირველი მეტოქე დღესდღეისობით მსოფლიოს ერთ-ერთი საუკეთესო გუნდია, თუ საუკეთესო არა! მაგრამ მიმაჩნია, რომ მათთან ბრძოლა შესაძლებელია. უნდა შევძლოთ ჩვენი უპირატესობების გამოყენება, თითოეული მცირედი შანსიც კი ქულებში ავსახოთ, მატჩში ბოლომდე დავრჩეთ და მეტოქე წნეხის ქვეშ მოვაქციოთ“.
ნემსაძის აზრით, კარგი თამაშის იმედს მოსამზადებელ ეტაპზე ექვსი ერის კიდევ ერთ წარმომადგენელთან, შოტლანდიასთან ორი მატჩის გამართვა იძლევა:
„აქამდე არასდროს გვქონია შესაძლებლობა, შოტლანდიის დარ გუნდთან მიყოლებით ორჯერ გვეთამაშა. ამ ორმა შეხვედრამ დაგვანახა, რომ პირველისგან განსხვავებით, მეორე მატჩში ბევრი რამ უკეთ გამოგვივიდა და დავინახეთ ისიც, რომ კიდევ უფრო უკეთ თამაში შეგვიძლია“.
უელსთან მატჩში, თითქმის სამწლიანი შესვენების შემდეგ, ბორჯღალოსნების კვართით ითამაშებს მამუკა გორგოძე. გიორგი ნემსაძე თვლის, რომ ეს გუნდს მნიშვნელოვნად გააძლიერებს:
„მამუკა გორგოძე ავტორიტეტია არა მხოლოდ ქართული, არამედ მსოფლიო რაგბისთვისაც. ის მაგალითია ბევრი ახალგაზრდა მოთამაშისთვის და ვფიქრობ, მათთვის დიდი პატივი, სტიმული და მოტივაცია იქნება მამუკას მხარდამხარ თამაში. პირადად მე ამაყი ვარ, რომ მის გვერდით ძალიან ბევრჯერ მითამაშია. გორგოძე ჩვენი ნაკრებისთვის უდიდესი ძალაა და დიდი სარგებლის მოტანა შეუძლია“.
მომზადებულია rugby.ge-ს მიხედვით
2 ცვლილება ხაზში - "ბორჯღალოსნების" 23-კაციანი რაზმი უელსთან მატჩისთვის ცნობილია
"მსოფლიო რაგბმა" ოთარ გიორგაძე გაიცნო
![თბილისის "დინამოს" მთავარი მწვრთნელი გიორგი ნემსაძე სტუმრად გადაცემა "სპორტალში" [VIDEO]](/pictures/image7/f28cd4509391334c40a7864c700170fc.jpg "თბილისის \"დინამოს\" მთავარი მწვრთნელი გიორგი ნემსაძე სტუმრად გადაცემა \"სპორტალში\" [VIDEO]")
