საქართველოს ნაკრების მთავარმა მწვრთნელმა მილტონ ჰეიგმა ფიჯისთან (14:45) განცდილი მარცხის შემდეგ პრესკონფერენციაზე ჟურნალისტების შეკითხვებს უპასუხა.
"პირველ ტაიმში საკმაოდ თანაბარი თამაში იყო. როგორც მატჩის წინ ვთქვი, როცა ფიჯის შენს ზურგს უკან გაუშვებ და პასების გაკეთების საშუალებას მისცემ, მათ წინააღმდეგ თავდაცვა ძალიან რთული ხდება.
ხაზის გაჭრისას ყოველთვის ჰყავდათ დამხმარე მოთამაშე ახლოს, ისე, როგორც შვიდკაცაში ხდება. კარგად ვიცოდით, რასაც გააკეთებდნენ და სანამ თავს კარგად ვიცავდით პირველ ტაიმში, ყველაფერი ნორმალურად იყო. ხოლო მეორე ტაიმის ბოლო 30 წუთის განმავლობაში კი ამის გაკეთება საკმარისად კარგად ვეღარ
შევძელით.
რომ მცოდნოდა, შერკინებაში ამდენჯერ დავჯარიმდებოდით, გამოვასწორებდით ამ საკითხს. შერკინება ბნელი ხელოვნებაა, მხოლოდ მისმა მონაწილეებმა იციან, რა ხდება და გრემ როუნთრის უნდა ვესაუბრო და გავარჩიოთ, რა მოხდა.
ერთ-ერთი ჩვენი მორკინალი ვერ ახერხებდა წინ წასვლას. ექიმების მიხედვით, მას ფეხის ტრავმა აქვს და ყველაფერი უნდა ვნახოთ და ავსტრალიასთან შეხვედრაში გამოვასწოროთ პრობლემა.
პირველ ტაიმში ფიჯელი მორაგბის მაღალმა ბოჭვამ თოდუაზე ყველაფერი შეცვალა. პირველ ნახევარში ეს მომენტი ყველაზე მნიშვნელოვანი იყო. ის ფიჯელი ბოლო მცველი გახლდათ. შეგვეძლო 5 ან 7 ქულა მოგვეპოვებინა, თუმცა არ ვთვლი, რომ შეხვედრაზე ამ ეპიზოდმა რაიმე ზეგავლენა მოახდინა. ჩვენ 1 ლელო დავდეთ, მათ - 7, ასე რომ...
ავსტრალიასთან თამაშს რაც შეეხება, თუ ავტომატურად გვინდა მსოფლიო თასზე მოხვედრა, ეს თამაში უნდა მოვიგოთ. ბიჭებს გასახდელში ვუთხარი, დიახ, ჩვენ გულდაწყვეტილები ვართ და გვჭირდება კიდეც ეს, რადგან ეს არ იყო ის შეხვედრა, რაც საქართველოში მყოფი ჩვენი ოჯახებისთვის, მეგობრებისთვისა და გულშემატკივრებისთვის უნდა გვეთამაშა. თუმცა, რეალობა ის არის, რომ აღარ აქვს მნიშვნელობა, რა ვერ გავაკეთეთ; მნიშვნელოვანია ის, რა უნდა გავაკეთოთ.
ჩვენ წინ 8 დღე გვაქვს, მაგრამ დარწმუნებულნი უნდა ვიყოთ, რომ დღეს უნდა ვიყოთ იმედგაცრუებულები, თუმცა ხვალ კი დავუბრუნდეთ სამუშაოს, ვნახოთ, რა გვაქვს გამოსასწორებელი და ისე შევუტიოთ ავსტრალიას.
ვერ ვიტყვი, რომ მომზადებისათვის 3 დღე ცოტა იყო. როცა ასეთ ტურნირზე მოდიხარ, მოწინააღმდეგის წინააღმდეგ გაცილებით ადრე იწყებ მზადებას. კარგად ვიცნობდით მათ მოთამაშეებს, ვეთამაშეთ კიდეც ბოლო წლების განმავლობაში. ასე რომ, გეგმის მომზადება პრობლემა არაა, მთავარი მისი განხორციელება გახლავთ.
ვისაუბრე კიდეც, რომ ურუგვაისთან წაგებამ ფიჯელებს მოტივაცია შემატა. თუმცა, არა მგონია, პირველი ტაიმის შემდეგაც ამ მოტივაციას ემუშავა. მეორე ნახევარში კრიტიკული შეცდომები დავუშვით, რაც მათი ქულებით დასრულდა. გახსნილ თამაშში ისინი მსოფლიოში საუკეთესოები არიან და ლელოების დადებაც არ უჭირთ".
საქართველოს მორაგბეთა ნაკრები სრულიად მოიშალა და ფიჯისთან დიდი ანგარიშით წააგო [VIDEO]
მერაბ შარიქაძე: ბოდიში, რომ ვერ გაგახარეთ...
ფიჯელთა კაპიტნის კომენტარი საქართველოს დამარცხების შემდეგ 
![საქართველო - რუმინეთი (საუკეთესო მომენტები) [VIDEO]](/pictures/image7/25e381df6879e786b121ea013de25499.jpg "საქართველო - რუმინეთი (საუკეთესო მომენტები) [VIDEO]")
![კაცნაკლულმა "ბორჯღალოსნებმა" რუმინეთს სძლიეს და რაგბი ევროპის ჩემპიონატი მოიგეს [VIDEO]](/pictures/image7/a5e0334f9a53ded3ddb44052b15b2200.jpg "კაცნაკლულმა \"ბორჯღალოსნებმა\" რუმინეთს სძლიეს და რაგბი ევროპის ჩემპიონატი მოიგეს [VIDEO]")
მთავარი მწვრთელის ლანძღვამდე აბა ერთი დაასახელეთ რამდენი ქრთველი მოთამაშე არის ევროპაში, რომელმაც პასი იცის? აბა მაინც რამდენი და რომელ კლუბში? დათვალეთ? თუ საიდუმლო არ არის ერთი გვითხარით - დაგვისახელეთ ასეთი "პასის" დიდოსტატი ქართველი მოთამაშე და ის "მაღალი" დონის უცხოური კლუბი სადაც ის თამაშობს. დაქეწეთ, ჩამოთვალეთ აქ კომენტარებში აბა სცადეთ...რამდენი გამოვა?
ოღონდ გორგოძით არ დაიწყოთ ...
მითვლილ თამაშში.
ავსტრალია ჩვენამდე ეთამაშება ურუგვაის და ბონუსით მოგების შემთხვევაში (ჯგუფში ორი მოგებით) გარანტირებულ მეორე ადგილს გაინაღდებს და ჩვენთან თამაშამდე ისევ (ფატალური) ოთხი დღე ექნებათ დასასვენებლად/აღსადგენად.
ჩვენი შანსი ავსტრალიის წინააღმდეგ დაახლოებით ისეთივეა როგორც ურუგვაის ჰქონდა ფიჯისთან თამაშის წინ.
იმედი ვიქონიოთ რომ ავსტრალია რაც ვართ იმაზე სუსტად აღგვიქვამს, მეოთხედფინალების წინ თავის ძირითადებს დაასვენებს და გარანტირებულად მოგებულ თამაშზე ვერ მოახერხებენ სათანადო კონცენტრაციას, ხოლო ჩვენებს საუკეთესო თამაში გამოუვათ.
ჩემი აზრით მილტონამ თამაშამდე უნდა იძახოს ეს თამაში მაინც წაგებული გვაქვს და ხმამაღლა ბოდიშები იხადოს, ხოლო საქმით კი ბიჭები მაქსიმალურად დარაზმოს უმთავრესი თამაშისათვის.
ერთი ეგაა - სასწაულიც რომ მოხდეს და ავსტრალიას მოვუგოთ, ობიექტურობის შეგრძნება არ უნდა დავკარგოთ - დღეს იქ ვართ სადაც ვართ, ხვალ იქ ვიქნებით რასაც დავიმსახურებთ!
ამდენი წელის ამას რომ ვერ მოაბავს ფედერაცია თავს იმასცრა უნდა ელაპარაკო ან რა შედეგს უნდა ელოდო?!