მაისაშვილი: ამ ორი მატჩით ერთი საფეხურით ზევით ავედით

AutoSharing Option
"ბორჯღალოსნების" მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.

არანხუესში გამართული რკენა დაძაბული გამოდგა და საბოლოოდ ფრედ, 15:15 დასრულდა. მაისაშვილს განსაკუთრებით პირველ ტაიმში ნაჩვენები თამაშის ხარისხი მოეწონა:

"თამაშამდე ღრმა ანალიზი გვქონდა, რა და როგორ უნდა გაგვეკეთებინა და მთლიანობაში ეს მოვახერხეთ. შეხვედრის დებიუტშივე შევძელით თამაშის მართვა, რისი პრობლემაც ძლიერ გუნდებთან სულ გვაქვს ხოლმე. ფიჯიმ შეცდომები დაუშვა და მათი რეალიზება შევძელით. საწყენია, რომ იქით გასატანი ლელო აქეთ მივიღეთ. ამ ეპიზოდში ემოციამ გვძლია, თორემ დარწმუნებული ვარ, შემდეგ ფაზაში ლელოს ჩვენ დავდებდით.
სამწუხარო იყო ტაიმის ბოლოს აცელილი ჯარიმა. როგორც აღმოჩნდა, ის გადამწყვეტი იქნებოდა. მთლიანობაში, ტაიმმა ჩვენი კარნახით ჩაიარა, ვიყავით ხისტები დაცვაში და კარგად ვმოქმედებდით ფეხით თამაშისას.

მეორე ტაიმში ფიჯიმ თავისი თამაში მოგვახვია თავს და ასეთ დროს მისი შეჩერება ძალიან რთულია. მნიშვნელოვანი იყო, რომ შევძელით მათი მოლების გაჩერება და შერკინებაში რამდენჯერმე დავაჯარიმეთ. საწყენია, რომ გამარჯვება ვერ მოვახერხეთ, რისი შანსიც გვქონდა, თუმცა წაგებამდეც ერთი ნაბიჯი იყო. მთლიანობაში, ჩვენი გეგმის ნაწილობრივ განხირციელება შევძელით და თამაშსაც დადებითად ვაფასებ.

მიმაჩნია, რომ ამ თამაშით და ზოგადად ამ ტურნეთი, ერთი საფეხურით ზევით ავედით. ბიჭებმა საკუთარი ძალების ირწმუნეს და დაინახეს, რომ ამ მრისხანე მეტოქის დამარცხება შეუძლიათ, რაც ძალიან მნიშვნელოვანია. კარგად გვახსოვს რა შედეგით დასრულდა ფიჯისთან მატჩი 2019 წლის მსოფლიო თასზე. მას შემდეგ, შარშანდელ შეხვედრაში გვქონდა პროგრესი, ახლა კი შარშანდელთან შედარებით იყო პროგრესი. ეს იმის ნიშანია, რომ სწორ გზაზე ვდგავართ. ნოემბრის ორი თამაში საქართველოსთვის ძალიან დიდი აქტივია".

rugby.ge

მკითხველის კომენტარები / 34 /
ვულოცავ ბიჭებს ფიჯისთან მაისაშვილზე ობიექტურად ძლიერი მწვრთნელები გვყოლია მარა უშანსოდ ვაგებდით დღესაც ვხედავთ რაგბის გულშმატკივრები რომ რეალურად ფიჯი ჩვენზე ძლიერია მარა სწორი მიდგომით ფრე კი არა მოგებაც შეიძლებოდა თუნდაც აბჟანდაძეს ერთი გაფუჭებული ჯარიმა დაამატეთ და ეგაა თუმცა თამასის დაწყებამდე მე პირადად წაგებაზე შეგუებული ვიყავი ოღონდ არა უმეტეს 6 ან 9 ქულის ასე რომ მაისაშვილის სწორმა მიდგომამ გაამართლა .
zurabi
13:00 22-11-2021
3
სამწუხაროდ, ვერ დავიჩემებ, რომ პროფესიონალური შეფასება შემიძლია გავაკეთო - არც მითამაშია და არც სხვაგვარად მქონია პროფესიონალური შეხება რაგბისთან - უბრალო ქომაგი ვარ. მე რასაც თვალნათლივ ვხედავ, ეს არის აშკარა პროგრესი პასების სიღრმეში გაკეთების კუთხით - ადრე უმეტესწილად გვერდით კეთდებოდა პასი და პასის მიმღები სტატიკურ მდგომარეობაში "ეძალებოდა" მოწინააღმდეგეს; ახლა კი პასები რამდენიმე მეტრით უკან კეთდება, რაც ბურთიან მოთამაშეს სიჩქარის აკრეფის საშუალებას აძლებს და მიძალებაც უფრო ეფექტიანია... ასევე, ჩემი აზრით, შეცდომების რაოდენობა მნიშვნელოვნად შემცირებულია; დერეფანშიც უკეთ ვიცავთ თავს.
...და ზოგადად უფრო თანამედროვე რაგბის ვთამაშობთ.
ნებისმიერ შემთხვევაში წარმატებები ჩვენ ბიჭებს!!!
მიშა
10:44 22-11-2021
2

სიახლეები პოპულარული