დებიუტში ჩვენი გუნდი ტაბუცაძის დუბლით დაწინაურდა, აბჟანდაძემ ვერცერთი გარდასახვა ვერ გამოიყენა, მასპინძლებმა კი მოედნის ცენტრიდან სამიდან ერთი საჯარიმოს რეალიზება შეძლეს. საქართველოს ნაკრები სრულ უპირატესობას ფლობდა, მუდმივად უტევდა, 25-ე წუთზე გიგაშვილმა ლელო გაიტანა, ხოლო აბჟანდაძე გარდასახვისას ისევ არაზუსტი იყო. პირველი ტაიმის დასასრულს მასპიძლები მოგვეძალენ, თუმცა „ბორჯღალოსანთა“ დაცვა კარგად დაუხვდა, რასაც აბჟანდაძის ლელო-გარდასახვა მოჰყვა და პირველი ტაიმი 3:22 დასრულდა.
მეორე ტაიმი ლამაზი კომბინაციის შედეგად შარიქაძის დაგვირგვინებული ლელოთი დაიწყო და აბჟანდაძემ გარდასახვა ზუსტად შეასრულა. შემდეგ მაღალი ბოჭვის გამო მამუკაშვილი გაასინბინეს, რითაც ესპანელებმა ვერ ისარგებლეს. მერე აფრასიძის კიდეზე გადაკიდებული ბურთი თოდუამ დაამიწა, მატკვას გარდასახვიდან დარტყმული ბურთი კი ძელს მოხდა. 67-ე წუთზე მსაჯმა ჩვენი მეტოქის მორაგბე გაასინბინა, ნინიაშვილმა მათი დაცვა გააღრვია, ხოლო მატკავამ ამჯერად ზუსტად გარდასახა.
მაისაშვილის გუნდმა ა ჯგუფში პირველი ადგილი დაიკავა და 5 მარტს მასპინძლის უფლებით ითამაშებს. „ბორჯღალოსნების“ მეტოქე ხვალ, პორტუგალიისა და რუმინეთის შეხვედრაში გაირკვევა.
რაგბი ევროპა | ესპანეთთან მატჩის დღე
![ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]](/pictures/image7/0f4b77bd967b8edd701abb94e504f0be.jpg "ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]")
