საქართველოს ნაკრებმა ბრწყინვალე მეორე ტაიმი ჩაატარა და რაგბი ევროპის გამარჯვებული ზედიზედ მეექვსედ გახდა [VIDEO]

ესპანეთის ქალაქ ბადახოსში რაგბი ევროპის ფინალში საქართველოს ნაკრებმა პორტუგალია 38:11 დაამარცხა და ზედიზედ მეექვსედ მოიგო ტურნირი.მატჩის წინ „ბორჯღალოსნების“ მწვრთნელმა მაისაშვილმა განაცხადა, რომ ეს მატჩი ყველას დაანახებდა, სადაა ჩვენი გუნდი და სადაა მეტოქე. პორტუგალია დებიუტში ლელოთი დაწინაურდა, რასაც ტაბუცაძის ორი ლელო და აბჟანდაძის ორიდან ერთი ზუსტი გარდასახვა მოჰყვა. 28-ე წუთზე მსაჯმა ჩვენი გუნდის კაპიტანი შარიქაძე სახიფათო თამაშის გამო გაასინბინა, მოწინააღმდეგემ კი ორი საჯარიმოთი სხვაობა მინიმუმამდე შეამცირა.შესვენების შემდეგ საქართველოს ნაკრები მოედანზე უფრო შემართული გავიდა. ტაბუცაძემ შესანიშნავი შეტევა ვერ დააგვირგვინა, თუმცა მალე მამუკაშვილმა დადო ლელო, ხოლო აბჟანდაძემ გარდასახვა ვერ გამოიყენა. მერე შეხლა-შემოხლას ჰქონდა ადგილი და არბიტრმა ლობჟანიძე და პორტუგალიელი მორაგბე გაასინბინა. თამაში, ცოტა არ იყოს, აირია, რაც მეტოქეს აძლევდა ხელს, რითაც ვერ ისარგებლეს. სამაგიეროდ, ისარგებლეს ქართველებმა - პაპიძის ლელოთი და აბჟანდაძის გარდასახვით 13 ქულით გავიდნენ წინ. ეს მატჩში გარდამტეხი ეპიზოდი გამოდგა. ორივე გუნდიდან საუკეთესო მოთამაშე ტაბუცაძემ ისევ წამოიწყო იერიში, რომელიც თაფლაძემ წარმატებულად დაასრულა, მატკავამ გარდასახვა მიაყოლა და ანგარიში კომფორტული გახდა. პორტუგალიელები უკვე გატყდნენ, რიცხობრივ უმცირესობაშიც დარჩნენ. ჭყოიძემ ბრუნით დაალელოვა ლუზიტანები, მატკავა გარდასახვისას კვლავ უზადო იყო და საქართველოს ნაკრებმა ტურნირზე მე-100 გამარჯვება მოიპოვა.საქართველოხაზი: 15. დავით ნინიაშვილი (ლიონი, 20 კეპი, 43 ქულა), 14. აკა ტაბუცაძე (შავი ლომი, 27 კეპი, 125ქულა), 13. დემე თაფლაძე (შავი ლომი, 24 კეპი, 5 ქულა), 12. მერაბ შარიქაძე (შავი ლომი, 92 კეპი, 80ქულა, კაპ.), 11. სანდრო თოდუა (შავი ლომი, 106 კეპი, 90 ქულა), 10. თედო აბჟანდაძე (მონტობანი, 41კეპი, 329 ქულა), 9. ვასილ ლობჟანიძე (ბრივი, 74 კეპი, 73 ქულა);შერკინება: 1. ნიკა აბულაძე (შავი ლომი, 9 კეპი), 2. შალვა მამუკაშვილი (შავი ლომი, 96 კეპი, 55 ქულა), 3. ბექა გიგაშვილი (ტულონი, 33 კეპი, 15 ქულა), 4. ნოდარ ჭეიშვილი (შავი ლომი, 45 კეპი, 5 ქულა), 5. კოტე მიქაუტაძე (ბეიონი, 81 კეპი, 15 ქულა), 6. გიორგი ცუცქირიძე (სტად ფრანსე, 28 კეპი, 30 ქულა), 7. ბექა საღინაძე (ლიონი, 35 კეპი, 15 ქულა), 8. ბექა გორგაძე (პო, 39 კეპი, 55 ქულა);მარქაფა: 16. გიორგი ჭყოიძე (შავი ლომი, 29 კეპი, 30 ქულა), 17. გურამ გოგიჩაშვილი (რასინგ 92, 36კეპი, 10 ქულა), 18. გურამ პაპიძე (პო, 8 კეპი, 5 ქულა), 19. ლადო ჩაჩანიძე (ნევერი, 9 კეპი, 5 ქულა), 20. თორნიკე ჯალაღონია (ბიარიცი, 21 კეპი, 25 ქულა); 21. გელა აფრასიძე (მონპელიე, 44 კეპი, 27 ქულა), 22. ლუკა მატკავა (შავი ლომი, 6 კეპი, 36 ქულა), 23. თორნიკე კახოიძე (შავი ლომი, 2 კეპი).

mesxi

მთავარზე დაელოდე ხოლმე თამაშს იქ უყურე რატომ წვალობ? მწვრთნელზე კომენტარს არვ გავაკკეთებ სუბიექტური შეფასება გაქ და თან პოლიტიკური......
mesxi

აღარ უყურო რაგბს აზრი არააქ !
სოსო

წინა თამაშებში,თითქოს აუტის პრობლემა გამოვასწორეთ,მაგრამ ამ თამაშში,აშკარად გავაფუჭეთ ეს კომპონენტი.ვერც შერკინებაში გვქონდა ძველებური უპირატესობა და მსაჯებმაც,პირველი 50 წუთი,მაგრად ითამაშეს პორტუგალიელების მხარეზე,თუმცა ძალამ აღმართი მოხნა და ბიჭებმაც დამაჯერებლად დაამარცხეს მეტოქე.მთელი გათამაშება,ცდილობდნენ,როგორმე შეეჩერებინათ ბორჯღალი,ყველაფერი სცადეს,თუმცა დამატებითი დაბრკოლებები,ჩვენებზე სასიკეთოდ მოქმედებდა და უფრო შეკრული თამაშით აღწევდნენ,სასურველ შედეგს.ახლაც ასე მოხდა.ვულოცავ ბიჭებს საიუბილეო გამარჯვებას და კიდევ უფრო დიდ წარმატებებს ვუსურვებ, მომავალში.
Dato

როცა ისიც არ იცი რო ოფიციალურ თამაშს უყურებ თუ არა კომენტარის დაწერა უხერხულია
Dato

შენ რას უკურებ ხოლმე ძმურად
გიზოგ

ოფიციალურ მატჩში მოგების შანსი გვაქვს ჯერჯერობით მხოლოდ მსოფლიო ჩემპიონატზე, რომელიც მალე დაიწყე და იქ გამოჩნდება ჩვენი ნამდვილი ძალა. მე იმედიანად ვარ.
ბექა

ეპანეთი რუმინეთი პორტუგალია რუსეთი ყოველთვის ერთაიგივე ერთხელ მაინც ოფიციალურ მათჩი მოუგოთ რომელიმეს
დიმა

გამარჯვება ყოველთვის სასიამოვნოა, ვულოცავ ყველას! პირველი ტაიმი გუნდმა ცუდად ჩაატარა, რამდენჯერმე წავაგეთ დერეფანი, შერკინებაში ტრადიციული უპირატესობა აღარ გვაქვს, უკანახაზელებმა დაჯაბნეს მოწინააღმდეგე, აქ წინსვლა საგრძნობია. რუმინეთთან და გუშინაც მსაჯები ჩვენს წინააღმდეგ იყვნენ და საერთოდ კლასის ხარჯზე მოვიგეთ. სამუშაო კი ჯერ ბევრია.
ქუთაისელი

კარგია გამარჯვება, მაგრამ რა გახდა ღამის 23:00-ზე მატჩის დანიშვნა? ჩვენ ვართ ლიდერები და ჩვენი მაყურებლებისთვის ოპტიმალურ დროს უნდა დაენიშნათ თამაში. ყველაფერზე თავი კი არ უდა დააქნიოს რაგბის ფედერაციამ. ცოტა პრინციპულობა უნდა გამოიჩინოს.
London.

მივულოცავ საქართველოს ნაკრებს,გამარჯვებას! ფრანგულ ტოპ ლიგაში მოთამაშე პროფესიონალი ბიჭების ინდივიდუალურად თამაშით მოვიგეთ,გუნდი ვერაა მსოფლიოს ათ გუნდის დონესაც კი მიახლოვებული,წლობით იტკეპნება ერთი და იგივე დონე რაგბისა . გუნდურად,ძნელია წინსვლა,როდესაც რჩევები იგნორირდება-შეაყარე კედელს ცერცვიო,-ხალხის სიბრძნით რჩევების წიხლის კვრისას,ამდენ გაშვებულ ლელოებს და არაგუნდურად თამაშს,წაგება მოჰყვება, ტოპ ათთან ჯახებისას,ექსტრემალურ თამაშების დროს,ფაქტებზე ყრდნობით- გარდუვალია.შესაცვლელია მთავარი წვრთნელი,ჰეიგის დონეზე არანაკლებ, უცხოელი მწვრთნელით,შესაცვლელია ფედერაციის ხელმძღვანელობა,აბუსერიძის,მაჩხაანელის,გორგოძის . . . მსოფლიოს დონის რაგბისტით და რაც უმთავრესია,მთქმელს გამგონიო ,სანამ ურემი,რაც არ უნდა ოქროსი იყვეს ,მაგრამ უვარგისი ტაბიკებით შეკრული,არ გადატრიალდება.კიდევ ერთხელ გილოცავთ მორიგ მსოფლიოზე გასვლას,მაგრამ ქართველ გულშემატკივრებს მეტი....,ნაკრების წინსვლა გვესაჭიროება და საერთოდ ადამიანურად წინსვლა, ყველა საქმეში ,ქართველთა....
თენგაბი

ჩვენი რაგბი სწორ გზაზეა. მჯერა, რომ უახლოეს მომავალში სერიოზულ კონკურენციას გავუწევთ 5 თუ 6 ერს, თავისი ავსტრალიან-ზელანდიან-სამხრეთ აფრიკიან ტოპებს და მსოფლიო ჩემპიონობისათვის ვიბრძოლებთ. წინ ჩვენო ლომებო, საქართველოს სადიდებლად!!!!
გივი

მადლობა ბიჭებს! გილოცავთ ყველას!
rembo

აბჟანდაძე არ გეპატიება ორი ასიანი გამაზა
კახაბერი

ჩვენი ლომები ხართ. მრავალი წარმატებებით გაახარეთ სრულიად ქართველობა.
ვანჩოპე

არ ვფიქრობ რომ ვინმე შემოგზავნილი ან გაბოროტებული წერს დისლაიქებს. მეც სქროლვის დროს მიმსვლია რომ შემთხვევით დისლაიკი მიმიცია.. თუმცა ყოველთვის ვაფიქსირებდი და იქვე ვუკომენტარებდი რომ შეცდომა იყო. ადმინ. იქნებ გამოასწორო პროგრამულად რომ შემთხვევითი დისლაიქის მოხსნა შეიძლებოდეს.
არა რუსეთს

აშკარად მორაგბეების კლასის ხარჯზე მოვიგეთ. არაა აქ მწვრთნელის ხელი.და კიდევ იმედზე ვუყურე და შევწუხდიი.
1.

მადლობა ბიჭებს და არასდროს არ დაკარგოთ მოტივაცია მაგის მოსაგებად მე100ედაც რომ იყოს მაინც უნდა მოიგოთ რომ მაგ უტიფრებს სინდისი გაუხვრიტოთ
ჯელა

პირველ რიგში ვულოცავ ბიჭებს და ვულოცავ ქართველ გულშემატკივარს.მეორეა და... კომენტარები წავიკითხე,გილოცავთო წერია.დიდება საქართველოსო.აბა თქვენ იცითო.წარმატებებიო.რაგბი ჩვენი თამაშიაო და ა.შ. ხოდა გამოდის ერთი-ორი და დისლაიქებს წერს.რა ნახეთ ხალხო,რამ გაგაბოროტათ.კომენტარი არაა დისლაიქი რო არ ქონდეს.ამ კომენტარსაც ექნება ვიცი და ბარემ მიაწერეთ ცუდი რა ვთქვი და რა არის იმაში ცუდი რო ბიჭებს მივულოცე გამარჯვება
თინა

გილოცავთ ბიჭებო! გვიყვარხართ და გვეამაყებით. მთავარია პოლიტიკაში წასვლაზე არ იფიქროთ და ხალხს თავი არ შეაძულოთ
გიორგი

გაუმარჯოს ქართულ რაგბს, ძირს რუსეთუმე ფედერაცია!
ალექს

მადლობა ჩვენს საუკეთესო ბიჭებს თავდაუზოგავი შრომისთვის და ამ სრულიად დამსახურებული წარმატებისთვის! გილოცავთ ყველას! ორმაგად სასიხარულოა მსგავსი დომინანტური გამარჯვება ამ მზარდ გუნდზე,რომელმაც კინაღამ იტალიასაც კი მოუგო ტესტი შარშან და ჩვენც მაგრად გვანერვიულა ბოლო ორი შეხვედრა. ყველაფერი საუკეთესო ბორჯღალოსნებს! რაგბი ჩვენი თამაშია!
Mr.kostaia

შემდეგი ფინალი მთვარეზე დანიშნეთ, მაინც არაა სხვისი მოსაგები. ყველას გილოცავთ...ისე ცოტა კი ვინერვიულეთ:)
გიორგი

დიდი მადლობა ჩვენო ძმებო!!! ჩვენს რაგბის ნაკრებს გაუმარჯოს!!! საქართველოს გაუმარჯოს!
ვანჩოპე

რას მანერვიულეთ პირველი ტაიმის მერე . რამე სიურპრიზი არ მოხდესთქო. ლომები ხართ ბიჭებო!!!!! თქვენ შემოგევლეთ. რაგბი მართლა ჩვენი თამაშია.
ლევანი

გილოცავთ! რაგბი ჩვენი თამაშია. დიდება საქართველოს!
G.LA

მადლობა ბორჯღალოსნებო, გილოცავთ! ლომები ხართ. ისე მაინც ვერ გავიგე რა მნიშვნელობა ქონდა მაგათვის ესპანეთში პორტუგალიის საზღვართან ვეთამაშებოდით თუ მონღოლეთში ჩინეთის საზღვართან?
ქართველი

გენაცვალეთ ლომებო,სულ ესეთი გამარჯვებებით ევლოს ჩვენ საქართველოს.გვეამაყებით!!!!

We Talk Rugby: საქართველოს ნაკრებს იტალიის დასამარცხებლად მსოფლიოს ერთ-ერთი საუკეთესო მწვრთნელი ჩაუდგება სათავეში?

რიჩარდ ქოქრილმა ბორჯღალოსნებისა და "შავი ლომის" მთავარი მწვრთნელის პოსტი დატოვა - ვინ შეცვლის ინგლისელს?

რაგბის ფედერაცია ქოქრილის შეცვლას გეგმავს - კანდიდატი ცნობილია

X ტური უბრძოლველად დასრულდა: მარგვეთმა ორბი დაამარცხა, ივერიონმა დელტას მოუგო

[VIDEO] ხვიჩამ საკონტინენტთაშორისო თასის ფინალში "ფლამენგოს" გაუტანა

ლუის ენრიკემ "ფლამენგოსთან" მატჩში პსჟ-ს შემადგენლობა დაასახელა

Geo Team: გიზი მამაგეიშვილმა "შტურმთან" კონტრაქტი გააფორმა

კუბარსის მეწყვილე - "ბარსელონა" პაუ ტორესის ლა ლიგაში დაბრუნებას გეგმავს

გლასნერი დარჩენას არ გეგმავს - "კრისტალ პალასს" მწვრთნელის პოსტზე მთავარი კანდიდატურა ჰყავს

ომარ მარმუში დაოჯახდა - ფეხბურთელმა ცოლად უახლოესი მეგობრის ბიძაშვილი მოიყვანა

მამუკა კვარაცხელია: კვარა ჩემთვის საუკეთესოა!

124 დღის შემდეგ - "ნაპოლის" რომელუ ლუკაკუ უბრუნდება

"ამ ორი ბრაზილიელი ფეხბურთელის დიდი ფანი ვარ" - კვარაცხელია "ფლამენგოსთან" მატჩის წინ

ვის მისცეს ხმა კაშიამ და სანიოლმა FIFA-ს წლის საუკეთესო ფეხბურთელის, მწვრთნელისა და მეკარის ნომინაციაზე

მოგებული სასამართლო - პსჟ-ის მბაპესთვის სერიოზული თანხის გადახდა მოუწევს

ლევანდოვსკი "ბარსელონამ" მხოლოდ ორი პირობით შეიძლება დაიტოვოს

ხვიჩას ჟურნალისტმა მოულოდნელი კითხვა დაუსვა - როგორი იქნება "ფლამენგოსთან" პსჟ-ს შემადგენლობა?

უსამართლობა - რაფინიას მეუღლე ფიფას გადაწყვეტილებით აღშფოთებულია

ფიფას ვერსიით 2025 წლის საუკეთესო ფეხბურთელი დემბელე გახდა

რუსთავში რეგიონთა ნაკრებების ტურნირის ფინალური ეტაპი გაიმართა

ქართველი მსაჯები კონფერენს ლიგის მატჩზე

დღეს ხვიჩა და პსჟ კიდევ ერთი საერთაშორისო ტიტულისთვის კატარში ითამაშებენ

[VIDEO] რა ახლოს ვიყავით გამარჯვებასთან - საქართველოს ნაკრებმა იაპონიასთან დასანანი მარცხი განიცადა

რიჩარდ ქოქრილი: წაგება ჩემი პასუხისმგებლობაა, მაგრამ ჩვენმა გუნდმა კარგად ითამაშა

"ბორჯღალოსნების" მეტოქეები - მსოფლიოს ჩემპიონი სამხრეთ აფრიკა, იტალია და რუმინეთი ავსტრალიის მსოფლიო თასზე

ბორჯღალოსნები | პარიზული ფინალისთვის მზადება დაიწყო

ბორჯღალოსნები | ფინალი პარიზში – პორტუგალიასთან

ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]

ლევან მაისაშვილი: ეს რაგბია და მოსაგებად ერთი ტაიმი არ კმარა

კატასტროფული მეორე ტაიმი - საქართველოს ნაკრები პორტუგალიასთან წაგებას გადაურჩა [VIDEO]

რაგბის ფედერაცია ქოქრილის შეცვლას გეგმავს - კანდიდატი ცნობილია

"ბორჯღალოსნები" | თოდუა მე-14-ე ტიტულს შეუტევს