<p>საქართველოს ეროვნულმა ნაკრებმა მსოფლიოს 2027 წლის ჩემპიონატის საკვალიფიკაციო მატჩებისთვის მზადება დაიწყო. შეგახსენებთ, რომ ალეკსანდარ ჯიკიჩის გაწვრთნილი გუნდი 26 ნოემბერს ათენში საბერძნეთს დაუპირისპირდება, სამი დღის შემდეგ, 29 ნოემბერს კი თბილისში პორტუგალიას უმასპინძლებს.</p> <p> </p> <p>დღეს, ოთარ ქორქიასა და ნოდარ ჯორჯიკიას სახელობის „თბილისი არენაზე“ ნაკრებმა არასრული შემადგენლობით პირველი ვარჯიში გამართა. გამომდინარე იქიდან, რომ ფიბა-ს სანაკრებო ფანჯარა ჯერ არ გახსნილა, ნაკრებში ყველა ლეგიონერი და სუპერლიგის რამდენიმე მოთამაშე ვარჯიშზე არ იყო. ნაკრებში გამოძახებული 19 კალათბურთელიდან ალეკსანდარ ჯიკიჩის განკარგულებაში დღეს 10 კალათბურთელი იყო. ლეგიონერებს – თორნიკე შენგელიას, რატი ანდრონიკაშვილს, მარკის რიდს, გიორგი კორსანტიასა და ალექსანდრე ფევაძეს თბილისში არც ელიან – ისინი ნაკრებს საბერძნეთში შეუერთდებიან, ხოლო „კსუ-კავკასიის“ ცენტრ გიორგი ტურძილაძესა და ბათუმელ გიორგი ოჩხიკიძეს 18 ნოემბერს ევროტურნირების თამაშები ელით და ნაკრებს საბერძნეთში გამგზავრებამდე 2 დღით ადრე – 20 ნოემბერს შეუერთდებიან.</p> <p> </p> <p>ყველაფერ ამის გათვალისწინებით, როგორც დავაანონსეთ, დღევანდელ ვარჯიშზე 12 მოთამაშეს ელოდნენ, თუმცა რუსთაველ ნიკოლოზ გაფრინდაშვილსა და ზესტაფონელ კახა ჯინჭარაძეს ვარჯიშში ხელი ტრავმებმა შეუშალა. ჯინჭარაძე დარბაზში იმყოფებოდა, თუმცა მწყობრში არყოფნის გამო არ უვარჯიშია.</p> <p> </p> <p>ჯიკიჩის განკარგულებაში ეს კალათბურთელები იყვნენ: ლუკა ლიკლიკაძე, დავით ტრაპაიძე, დუდა სანაძე, ალექსანდრე მერკვილაძე, გიორგი კობახიძე, მათე ყავლაშვილი, ამირან აროშიძე, ვილი ისიანი, რომა ჭინჭარაული და საბა გიგიბერია. სერბმა სპეციალისტმა კალათბურთელები კონკრეტულ კომბინაციებზე ავარჯიშა, რითაც მათი მზადყოფნა და მოედნის ხედვა შეამოწმა. ვარჯიშზე მყოფი მოთამაშეების უმეტესობა ხომ ნაკრების კანდიდატია, ხოლო 3 მათგანი სულაც დებიუტანტია, რომლებსაც მთავარი მწვრთნელისთვის ჯერ კიდევ ბევრი რამ აქვთ დასამტკიცებელი.</p> <p> </p> <p>ნაკრები თბილისში 21 ნოემბრის ჩათვლით ივარჯიშებს, რის შემდეგაც საბერძნეთში გაემგზავრება და ამ ქვეყნის ნაკრებთან 26 ნოემბერს დაგეგმილი მატჩისთვის მზადებას ათენში გააგრძელებს.</p> <p> </p> <p><strong>GBF.GE</strong></p>
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
+5 პოზიცია და გუნდური გარდასახვა: საქართველო FIBA-ს Power Rankings-ში მე-11 ადგილზეა
დიდებული მეორე ტაიმი - საქართველოს ნაკრებმა პორტუგალიას სტუმრად მოუგო
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
ოფიციალურად: "კრისტალ პალასს" ახალი მთავარი მწვრთნელი ჰყავს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ინგლისის ნაკრებმა ისტორიული რეკორდი დაამყარა
"აი, ასე დავამარცხეთ ესპანეთის ნაკრები" - თომას ტუხელი
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] სანდროს 21 წუთი, დონჩიჩის ბრწყინვალე მატჩი და "ლეიკერსის" ზედიზედ მერვე გამარჯვება
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
[VIDEO] დიდი ფეხბურთი მადრიდში - ინგლისმა ესპანეთს დრამატულ მატჩში სძლია
უკრაინა - საქართველო | წლის დასკვნითი მატჩი
საქართველოს ნაკრები პორტუგალიაში ჩაფრინდა
დიდებული მეორე ტაიმი - საქართველოს ნაკრებმა პორტუგალიას სტუმრად მოუგო
[VIDEO] უკეთესმა გუნდმა გაიმარჯვა - საქართველოს ნაკრებმა მონტენეგრო დაჯაბნა
+5 პოზიცია და გუნდური გარდასახვა: საქართველო FIBA-ს Power Rankings-ში მე-11 ადგილზეა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
მზადება დასრულდა – საქართველო ოფიციალურ მატჩში მონტენეგროს დაუპირისპირდება