საქართველოს რაგბის კავშირმა უარყო გავრცელებული ინფორმაცია, რომ "ბორჯღალოსნების" მთავარმა მწვრთნელმა ლევან მაისაშვილმა თანამდეობა დატოვა. "საქართველოს რაგბის კავშირი უარყოფს სხვადასხვა სოციალურ ქსელში გავრცელებულ ცრუ ინფორმაციას ნაკრების მთავარი მწვრთნელის, ლევან მაისაშვილის გადადგომის შესახებ.
საქართველოს ნაკრები დღეს დაბრუნდა მსოფლიო თასიდან და რაგბის კავშირის ხელმძღვანელობა, გამგეობის და სამწვრთნელო შტაბის ჩართულობით, უახლოეს დღეებში დაიწყებს ტურნირის არადამაკმაყოფილებელი შედეგების ანალიზს, მათი მიზეზისა და საპასუხო ნაბიჯების განსასაზღვრად.
ეს პროცესი უახლოეს პერიოდში დასრულდება და შედეგებიც დაუყოვნებლიც გასაჯაროვდება.", - ნათქვამია გავრცელებულ განცხადებაში.
საქართველოს ნაკრებმა მსოფლიო თასზე გამოსვლა დაასრულა. ბოლო მატჩი
საფრანგეთში გამართული მატჩების შემდეგ საქართველოს ნაკრები რაგბის მსოფლიო რეიტინგში მე-14 პოზიციაზე დაქვეითდა. მსოფლიო თასის დაწყებამდე ქართველი მორაგბეები მე-11 ადგილს იკავებდნენ.
