2024 წლის შემოდგომის სერიების ფარგლებში, "ბორჯღალოსნები" 17 ნოემბერს იტალიას გენუაში, „ლუიჯი ფერარიზე“ ერკინება.„ლუიჯი ფერარი“ 1911 წელს გაიხსნა და ის 33 205 მაყურებელს იტევს. მატჩი ჩვენი დროით 17:40 საათზე, ბილეთების გაყიდვა კი დღეს დაიწყება საიტზე federugby.ticketone.it.
აქამდე საქართველოს იტალიის წინააღმდეგ 5-ჯერ უთამაშია, საიდანაც მეტოქემ პირველი ოთხი შეხვედრა მოიგო. პირველად „აძურას“ 1998 წელს ლაკვილაში ვეწვიეთ და მასპინძლებმა მსოფლიო თასის შესარჩევ მატჩში 31:14 გაიმარჯვეს. 2000 წელს იტალიასთან ტესტ-მატჩი ლივორნოში გავმართეთ (51:7), ხოლო 2003 წლის მსოფლიო თასამდე მას ასტიში ვეთამაშეთ (31:22).
ამის შემდეგ
2022 წელს „აძურა“ პირველად ჩამოვიდა საქართველოში. ბათუმში "ბორჯღალოსნებმა" მეტოქეს 3 ლელო გაუტანა, თავად მხოლოდ ერთი გაუშვა და 28:19 გაიმარჯვა. ეს იყო პირველი გამარჯვება არა მხოლოდ იტალიასთან, არამედ ზოგადად ტიერ1-ის გუნდთან.
მთლიანობაში, საქართველომ იტალიას ამ 5 თამაშში გაუტანა 8 ლელო და 88 ქულა, თავად კი 20 ლელო და 160 ქულა მიიღო.
Rugby.ge
![alt](/pictures/image50/fe58b9a99fea935dce7db07a099d67e3.jpg ""ბორჯღალოსნები" | იტალიასთან გენუაში")
"ბორჯღალოსნები" | 2025 წლის რაგბი ევროპის ჩემპიონატი და 2027 წლის მსოფლიო თასის შესარჩევი
![საქართველოს ნაკრებმა ტონგას 22:7 მოუგო [VIDEO]](/pictures/image7/9d0db8b81489c848be9a94f86e43ecf0.jpg "საქართველოს ნაკრებმა ტონგას 22:7 მოუგო [VIDEO]")
