საქართველოს ნაკრებისა და "სტად ფრანსეს" ბურჯმა გიორგი მელიქიძემ საფრანგეთის სარაგბო უმაღლეს ლიგაში ლელო დადო.
5 მაისს ტოპ 14-ის გათამაშებაში "სტად ფრანსე" გასვლაზე "რასინგთან" თამაშობდა.
ქართველი მორაგბე მეორე ტაიმში შევიდა მოედანზე და თავის გუნდს გამარჯვებაში დაეხმარა. "სტად ფრანსეს" მორაგბეებმა ანგარიშით 27:23 გაიმარჯვეს, ჯამში 60 ქულა დააგროვეს და ბრძოლას საჩემპიონო პლეი-ოფში მოსახვედრად განაგრძობენ.
შეხვედრაში მონაწილეობა მეორე ქართველმაც მიიღო. "რასინგის" შემადგენლობაში 54-ე წუთიდან ჩაერთო თამაშში გურამ გოგიჩაშვილი. გოგიჩაშვილის გუნდი 63 ქულით მე-6 პოზიციაზეა და რეგულარული სეზონის დამთავრებამდე 2 ტურით ადრე პლეი-ოფის ზონაშია.
![სრული სიგიჟე არგენტინის თასის ფინალში - 10 წითელი ბარათი და გამარჯვების გოლი 118-ე წუთზე [VIDEO]](/pictures/image7/0bdb295e73288eed469b60f0b4bc2b91.jpg "სრული სიგიჟე არგენტინის თასის ფინალში - 10 წითელი ბარათი და გამარჯვების გოლი 118-ე წუთზე [VIDEO]")
