ლეგიონერები - ტური ნაახალწლევს

AutoSharing Option
მიუხედავად საახალწლო დღეებისა, ტოპ 14-ში მე-13 ტურის თამაშები გაიმართა და მასში ათმა ქართველმა ლეგიონერმა მიიღო მონაწილეობა.

"ბორდომ" "ტულონს" უმასპინძლა და 31:18 დაამარცხა, მოედანზე კი ოთხი ჩვენებური გავიდა. მასპინძელთა რიგებში შეცვლაზე შევიდნენ და მეორე ტაიმი სრულად ითამაშეს ლექსო ყაულაშვილმა და ლაშა ტაბიძემ. სტუმართა ძირითადში იყო ბექა გიგაშვილი და ის 65-ე წუთზე ლუკა ჭელიძემ შეცვალა.

"მონპელიეს" რიგებში დასკვნითი 20 წუთი ითამაშა მიხეილ ნარიაშვილმა. მისი გუნდი "ტულუზს" დაუხვდა და 9:16 დამარცხდა.

ოთხი ქართველი გავიდა "სტად ფრანსესა" და "ბრივის" მატჩში. პარიზელებმა სამი ლელო გაუშვეს,
თუმცა თავად ექვსი გაიტანეს, 51:21 მოიგეს და ბონუსიც აიღეს. მასპინძელთა შორის პირველიდან 55-ე წუთამდე ითამაშა ვასილ კაკოვინმა, ხოლო გიორგი მელიქიძე შეცვლაზე 67-ე წუთზე შევიდა. "ბრივის" ძირითადში იყო და 35-ე წუთზე შესაცვლელი შეიქნა ოთარ გიორგაძე, ვასილ ლობჟანიძე კი შეცვლაზე 61-ე წუთზე შევიდა.

"რასინგ 92"-მა "კლერმონს" სტუმრად გამარჯვების ლელო 75-ე წუთზე გაუტანა - 24:22. სტუმართა განაცხადში იყო და თამაშში 47-ე წუთიდან ჩაერთო გურამ გოგიჩაშვილი.

rugby.ge

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული