ინფორმაცია 2019 წლის რაგბის მსოფლიო თასის ბილეთების შესახებ

AutoSharing Option
2019 წლის მსოფლიო თასის ბილეთებზე უპრეცედენტო მოთხოვნის გათალისწინებით, საორგანიზაციო კომიტეტი ბილეთების გაყიდვის მორიგ ეტაპს აცხადებს, რომელიც 18 მაისს, საქართველოს დროით 13 საათზე (იაპონიის დროით 18 საათზე) დაიწყება და 2019 წლის ივლისის ბოლომდე ამ გვერდზე გაგრძელდება (მსოფლიო თასის ბილეთების გაყიდვის ოფიციალური გვერდი): tickets.rugbyworldcup.com

გარდა ამისა, საორგანიზაციო კომიტეტმა გამოაქვეყნა მსოფლიო თასის ფან-ზონების ლოკაციები, სადაც ტურნირზე ჩასულ ქომაგებს დაუვიწყარი სარაგბო ზეიმი და გარემო დახვდებათ. ფან-ზონების ლოკაციები ნახე აქ: Rugby World Cup 2019 Fanzones

აღსანიშნავია, რომ გაყიდვების მორიგ ფაზასთან ერთად, 31 მაისს, იაპონიის დროით
18 საათზე, ამოქმედდება მსოფლიო თასის ბილეთების მეორადი გაყიდვების ოფიციალური სერვისი. ამ პლატფორმის მეშვეობით ქომაგებს შეეძლებათ იმ ბილეთების შეძენა, რომელზეც დასწრებას ის ქომაგები, ვინც ბილეთები მანამდე შეიძინეს, ვეღარ ახერხებენ. ამ სერვისის შესახებ დამატებითი ინფორმაცია მოგვიანებით გახდება ცნობილი.

"ბორჯღალოსნების" მატჩები ჯგუფურ ეტაპზე, "დ" ჯგუფი

უელსი - საქართველო| 23 სექტემბერი, 14:15, ტოიოტასითი

საქართველო - ურუგვაი| 29 სექტემბერი, 09:15, კუმაგაია

საქართველო - ფიჯი| 3 ოქტომბერი, 09:15, ოსაკა

ავსტრალია - საქართველო| 11 ოქტომბერი, 09:15, შიზუოკა

მომზადებულია rugby.ge-ს მიხედვით

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული