2019 წლის რაგბის მსოფლიო თასის 1/4-ფინალში უელსის ნაკრებმა 49-ე წუთიდან 14 კაცით დარჩენილ საფრანგეთის ნაკრებს 1 ქულით აჯობა და 20:19 დაამარცხა.
პირველ ტაიმში უპირატესობა საფრანგეთს ჰქონდა და მე-9 წუთისთვის ანგარიში 12:0 იყო. ლელოები ვაჰაამაჰინამ და ოლივონმა დადეს, 1 გარდასახვა ზუსტად ნჩამაქმა შეასრულა. ტაიმის ბოლომდე 1 გარდასახული ლელო და 1 ჯარიმა გაცვალეს გუნდებმა და პირველი ნახევრის შემდეგ საფრანგეთი 19:10-ს იგებდა.
მეორე ნახევარიც აქტიურად დაიწყეს ფრანგებმა, თუმცა 49- წუთზე პირველი ლელოს ავტორმა ვაჰაამაჰინამ უხეშად ითამაშა და მსაჯმა მას წითელი ბარათი უჩვენა. 54-ე წუთზე დან ბიგარმა ჯარიმა გაიტანა და ანგარიში 13:19 გახადა. მატჩში დაძაბულობა ბოლო წუთებამდე შენარჩუნდა. გადამწყვეტი ლელო უელსელებმა 74-ე წუთზე დადეს, თავი მორიართიმ გამოიჩინა. დან ბიგარმა ახლო მანძილიდან გარდასახვა ზუსტად შეასრულა და უელსი ნახევარფინალში გავიდა - 20:19.
რაგბის მსოფლიო თასი, 1/4-ფინალი
უელსი - საფრანგეთი 20:19
ლელოები
უელსი: უანრაითი, მორიართი
საფრანგეთი: ვააჰამაჰინა, ოლივონი, ვაკატავა
ჯარიმები
უელსი: ბიგარი (2)
საფრანგეთი: ნჩამაქი
გარდაასხვები
უელსი: ბიგარი (2)
საფრანგეთი: ნჩამაქი (2)
რაგბის მსოფლიო თასი: სამხრეთ აფრიკამ იაპონიას მხოლოდ 3 ქულა მოაპოვებინა
![ევრო 2020. საკვალიფიკაციო: რემსიმ დუბლით უელსი ევროპირველობაზე გაიყვანა [VIDEO]](/pictures/image7/ea8ebb7367a855798a58ddd12a010966.jpg "ევრო 2020. საკვალიფიკაციო: რემსიმ დუბლით უელსი ევროპირველობაზე გაიყვანა [VIDEO]")
![მსოფლიო თასზე ბრინჯაოს მატჩში ახალმა ზელანდიამ უელსი პრობლემების გარეშე დაამარცხა [VIDEO]](/pictures/image7/c1ace7adb2578320101caeadb85783b0.jpg "მსოფლიო თასზე ბრინჯაოს მატჩში ახალმა ზელანდიამ უელსი პრობლემების გარეშე დაამარცხა [VIDEO]")
