მსოფლიო რაგბის დაჯილდოების ყოველწლიურ საღამოზე, რომელიც წელს მონაკოში გაიმართება, წლის საუკეთესო ლელოს ავტორს გამოავლენენ - IRPA Try of The Year (მორაგბეთა საერთაშორისო ასოციაციის წლის საუკეთესო ლელო). წელს გამარჯვებისთვის ოთხი ნომინანტი იბრძოლებს. მათ შორის ერთ-ერთია გელა აფრასიძის ლელო, რომელიც მან საქართველოში გამართულ 20-წლამდელთა მსოფლიო ჩემპიონატზე ირლანდიის წინააღმდეგ დადო.ხმის მიცემა მხოლოდ "თვითერზე" მიმდინარეობს. იმისათვის, რომ გელას ლელოს ხმა მისცეთ, 9 ნოემბრიდან 26 ნოემბრის ჩათვლით, ამ ბმულის მეშვეობით შებრაძანდით მსოფლიო რაგბის "თვითერის" გვერდზე Twitter.com/WorldRugby მიმაგრებულ პოსტში დააჭირეთ ღილაკს Tweet #VoteAprasidze. ამის შემდეგ
ხმის მიცემა მხოლოდ ამ პროცედურით არის შესაძლებელი. სხვა შემთხვევაში გელა აფრასიძეს ხმა არ მიეცემა.
აფრასიძის გარდა, მსოფლიო რაგბის წლის საუკეთესო ლელოს ჯილდოზე ასევე წარდგენილნი არიან:
ირლანდიის ნაკრების და ბრიტანელი და ირლანდიელი "ლომების" მესამეხაზელის, შონ ობრაიანის ლელო ახალი ზელანდიის წინააღმდეგ;
"პუმების" ფულბეკის, ჰუაკინ ტუკულეტის ლელო ინგლისის წინააღმდეგ;
ბლექბერნის, ახალი ზელანდიის ქალთა ნაკრების ფულბეკის, ფორშა ვუდმენის ლელო აშშ-ის წინააღმდეგ ქალთა მსოფლიო თასის ნახევარფინალში.
მსოფლიო რაგბის წლის საუკეთესო ლელო სარაგბო სამყაროში ერთ-ერთი ყველაზე პრესტიჟული ჯილდოა, რომელიც აქამდე მიენიჭათ:
2016 - ჯეიმი ჰისლიფსი (ირლანდია)
2015 - ჯულიან სავეა (ახალი ზელანდია)
2014 - ფრანსუა ჰოუჰარდი (სამხრეთი აფრიკა)
2013 - ბიდენ ბარეტი (ახალი ზელანდია)
2012 - ბრაიან ჰაბანა (სამხრეთი აფრიკა)
2011 - რედიკი სამო (ავსტრალია)
2010 - ქრის ეშტონი (ინგლისი)
2009 - ჟაკ ფური (სამხრეთი აფრიკა)
2008 - ბრაიან ოდრისქოლი (ირლანდია)
2007 - ზი ნგვენია (აშშ)
წყარო: Rugby.ge
