18:56 16-10-2021
"შავმა ლომმა" ევროპის სუპერთასზე პირველი მატჩი პრემიალური ქულით მოიგო [VIDEO]
AutoSharing Option
პირველი ქართული ფრანჩაიზი ძირითადად, "ბორჯღალოსნებითაა" დაკომპლექტებული, მათი მეტოქე კი დიდი ხანი არაა, რაც შეიკრიბა და მათ თამაშში ეს ფაქტორი მაინც საგრძნობი იყო.
ქართულ კლუბს პირველი ქულები სოსო მათიაშვილის ჯარიმამ მოუტანა, მე-15 წუთზე კი აკაკი ტაბუცაძის მშვენიერი ლელოც ვიხილეთ.
პირველი ტაიმის მიწურულს ქართველმა მორაგბეებმა წნეხს უმატეს, მეორე ლელო შალვა მამუკაშვილმა მიითვალა და საწყისი 40 წუთი 18:10 დასრულდა - მასპინძელთა სასარგებლოდ.
მეორე ნახევარიც "შავი ლომის" ლელოთი დაიწყო - "ლელო სარასენსის" მორაგბეებმა კარგი კომბინაცია გაითამაშეს - დემე თაფლაძის შეგორებული ბურთი აკაკი ტაბუცაძემ დაამიწა.
ქართველმა ორაგბეებმა მეტოქე სტატიკურ ფაზაში აშკარად დაჩაგრეს - მოლსა და აუტში ჩვენი უპირატესობა საგრძნობი იყო.
როგორც მოსალოდნელი იყო, შერკინებაც "შავი ლომის" უპირატესობით მიმდინარეობდა, თუმცა იდეალური ვერ დაერქმეოდა, რადგან ორჯერ დავჯარიმდით.
ქართულმა ფრანჩაიზმა მეორე ტაიმი უკეთესად ჩაატარა, აკაკი ტაბუცაძემ კი 69-ე წუთზე ჰეთ-თრიკი შეასრულა და თავისი გუნდი 31:10 დააწინაურა.
23 ოქტომბერს "შავი ლომი" პენზის "ლოკომოტივს", 30 ოქტომბერს კი ყველაზე ძლიერ მეტოქედ მიჩნეულ "ენისეის" ესტუმრება. დარჩენილი სამი ტური დეკემბერში გაიმართება.
მკითხველის კომენტარები / 9 /
მოწონებების მიხედვით
თარიღის მიხედვით
რამდენჯერაც "ფეხბურთელები" გვამწარებენ, იმდენჯერ მორაგბეები გვახარებენ.
18
1
ყოჩაღ ბიჭებო.ერთი წამით არ გაუხდიათ საეჭვოდ,მატჩის შედეგი.არ მესმის, მერაბ შარიქაძე ამდენ ხანს უგუნდოდ როგორ დარჩა.ერთი სიამოვნება იყო ნიკა ამაშუკელის მოსმენაც.სოსო მათიაშვილმა აშკარად ახტომისას მიიღო ტრავმა და იმიტომ ვერ მისწვდა ბურთს,ამიტომ,საჯარიმო ლელოს ჩათვლა,მართლაც არასწორი იყო.ბურთი ისედაც აუტისაკენ მიდიოდა.ცოტა გვიან ჩავერთე რეპორტაჟში და რაგბი ტვ-ზე ისე ხტუნაობდა გადაცემა,რომ არავითარ გადახვევას არ ემორჩილებოდა.სხვა დროსაც ნერვების ფასად მიჯდება ამ არხის ყურება.რუსებს უფრო კარგი გუნდი ჰყავთ და მგონი საინტერესო თამაშები გვექნება.გუნდები ფორმას რომ აკრეფენ,კიდევ უფრო ხარისხიანი მატჩები გვექნება და თუ გადაცემის ხარისხიც შესაბამისი გახდება,კარგს იზავენ.ვულოცავ საქართველოს, დიდი ხნის ნანატრ ფრაჩიზის საქმეში ჩართვას და მჯერა, საგრძნობლად წინ წასწევს,ქართული რაგბის დონეს.წარმატება დაებედათ და დაე სულ ასე ევლოთ.
25
1
ყველა კომენტარი
გააკეთეთ კომენტარი
ასევე დაგაინტერესებთ
![](/images/new_photo/rss/ipn_rss_big.jpg)
![](/images/new_photo/rss/palitra_logo.png)
უძრავი ქონება
![უძრავი ქონება](/images/new_photo/rss/116_38.jpg)
![](/images/new_photo/rss/rss_hotsale_logo.png)
სიახლეები
პოპულარული
![](/images/new_photo/rss/palitratv_sp.png)