"შავი ლომი" | ლუკა ცირეკიძე მოსამზადებელ ეტაპსა და მომავალ შეხვედრაზე

‘შავი ლომი’ ორიოდე დღეში 2026/27 წლების სეზონის პირველ ოფიციალურ თამაშს ჩაატარებს. 17 ოქტომბერს 16 საათზე, “ავჭალაზე”, ჩვენი გუნდი ჩელენჯ თასის პირველ ტურში უელსურ ‘ოსფრიზს’ უმასპინძლებს.   ჩელენჯ თასის ახალ სეზონს ‘შავი ლომი’ განსაკუთრებული მზადებით შეხვდა. სექტემბერ-ოქტომბერში, პიერ-ანრი ბრონკანის შეგირდებს ხუთი მაღალი დონის გასახურებელი თამაში ჰქონდა - გაერთიანებული რაგბის ჩემპიონატის იტალიურ გუნდ ‘ბენეტონთან’, ინგლისის პრემიერშიფის ჩემპიონ ‘ნორთჰემპტონთან’, სამხრეთ აფრიკის ქარი ქაფის ჩემპიონ ‘სუზუკი გრიქასთან’, ამავე ტურნირის ვიცე-ჩემპიონ ‘აირლინკ პუმასთან’ და მესამეადგილოსან ‘ტოიოტა ჩიტასთან’.   ‘შავი ლომის’ 22 წლის უკანახაზელი ლუკა ცირეკიძე, რომელიც მგეზავისა და ფულბეკის პოზიციას ფარავს და გუნდთან ერთად უკვე მესამე სეზონს ატარებს, მზადებით კმაყოფილია და იმედოვნებს, რომ წელს ტურნირს გამარჯვებით დაიწყებს:   “სამშაბათის მთავარმა ვარჯიშმა ნაყოფიერად ჩაიარა. ვიმუშავეთ იმ ხარვეზების გამოსწორებაზე, რაც მოსამზადებელმა თამაშებმა დაგვანახა. ხუთშაბათს გენერალური რეპატიცია გვექნება და ვფიქრობ, ‘ოსფრიზთან’ თამაშს მზადყოფნაში შევხვდებით”.   “გასული წლის შემდეგ, შემადგენლობაში მრავლად განხორციელდა ცვლილებები. ფაქტობრივად ახალი, ახალგაზრდული გუნდი ვართ და შეთამაშება იყო საჭირო. ამ კუთხით ძალიან დაგვეხმარა ხუთი განვლილი შეხვედრა. გარდა შეთამაშებისა, ამ მატჩებმა ბევრი რამ გვასწავლა, როგორც საკუთარი, ასევე მოწინააღმდეგის თამაშიდან. ვფიქრობ, ეს გამოცდილება ჩელენჯ თასზე ძალიან წაგვადგება. ვეცდებით დაშვებული შეცდომები აღარ გავიმეოროთ და მაყურებელს სანახაობრივი და რაც მთავარია წარმატებული თამაში შევთავაზოთ”.   “ჩელენჯ თასამდე ამდენი გასახურებელი თამაში აქამდე არასდროს გვქონია და კარგია განვითარების შანსი რომ მოგვეცა. პირადად ჩემთვის გამორჩეული იყო ‘ნორთჰემპტონთან’ შეხვედრა. მართალია დიდი ანგარიშით დავმარცხდით, მაგრამ მეტოქისგან ბევრი სასარგებლო რამ წამოვიღეთ. ეს ყველაფერი გადავიტანეთ აფრიკულ გუნდებთან და შედეგად, ბოლო ორი შეხვედრა მოვიგეთ, რაც ფსიქოლოგიური თვალსაზრისით ასევე მნიშვნელოვანი იყო”.   ახალი სტილით და ახალი მოთამაშეებით   ჩელენჯ თასზე ‘შავი ლომი’ პირველად ითამაშებს ბრონკანის ხელმძღვანელობით. ტურნირზე რამდენიმე ახალბედა მოთამაშის დებიუტიც შედგება. ზაფხულის პერიოდში გუნდს მრავლად დაემატნენ ახალგაზრდა მოთამაშეები, რომლებმაც თავი მსოფლიო რაგბის ახალგაზრდულ ჩემპიონატში გამოიჩინეს.   ცირეკიძე ამბობს, რომ ახალმა მწვრთნელმა ჩვენი გუნდის სათამაშო სტილში მნიშვნელოვანი ცვლილებები შეიტანა:   “აქამდე ჩვენი სტილი შეტევითი თამაში არ ყოფილა. ძალიან ბევრ დროს ვატარებდით დაცვაში და ბევრი ბოჭვა გვიგროვდებოდა. ახლა ეს ყველაფერი შეიცვალა და ვცდილობთ შეტევაში მეტი დრო გავატაროთ, მოწინააღმდეგე წნეხში ვამყოფოთ. სჯობს შეტევაში დაიხარჯო, ვიდრე დაცვაში ორმაგად, რადგან დაცვას ბევრი ენერგია მიაქვს. ამასთან, აქცენტი სწრაფ თამაშზე კეთდება და გნებავთ ოფლოუდებზე, ანაც ფეხით თამაშზე, არანაირი შეზღუდვა არ გვაქვს”.   &bdquo;რაც შეეხება ახალგაზრდა მოთამაშეებს, ისინი გუნდს კარგად შეეწყვნენ და მარტივად აუღეს ალღო ვარჯიშებს. ცდილობენ ლაღად ითამაშონ და გუნდისათვის სასარგებლო მოთამაშეები იყვნენ. მათი ჩართულობა ძალიან გვეხმარება, განსაკუთრებით ტრავმების ფონზე და ყველა მათგანს ეტყობა უდიდესი მოტივაცია“.   ‘ოსფრიზთან’ მოლოდინები   ‘ოსფრიზი’ საქართველოში კარგ ხასიათზე მოდის. რაგბის გაერთიანებულ ჩემპიონატში მან უკვე მოასწრო სამი შეხვედრის ჩატარება და სამხრეთ აფრიკაში განცდილი ორი მარცხის შემდეგ, ბოლო ტურში უელსურ დერბიში ‘დრაგონსი’ სტუმრად 38:31 დაამარცხა.   “მეტოქის შესწავლა მიმდინარეობს და ვცდილობთ არცერთი დეტალი არ გამოგვრჩეს. ის სწრაფი და ძლიერი მოთამაშეებითაა დაკომპლექტებული, რომლებიც მუდამ ცდილობენ წნეხი მეტოქეზე გადაიტანონ - ასრულებენ საბრძოლო დარტყმებს და აქტიურობენ რაქში ღლეტვაზე” - ამბობს ცირეკიძე და აგრძელებს:   “მაგრამ ჩვენი გუნდის თითოეულ მოთამაშეს, ორშაბათიდან თავში მხოლოდ ის უტრიალებს, რომ შაბათის შეხვედრა უნდა მოვიგოთ. ყველა ვარჯიშზე სულ უფრო ვრწმუნდებით, რომ ეს შეგვიძლია! ამ კუთხით ძალიან დიდ როლს თამაშობს გულშემატკივარი. მათი ოვაციები და მხარდაჭერა, მოედანზე მყოფებს მოტივაციას და სტიმულს გვმატებს და იმედია, შაბათს სავსე “ავჭალაზე” მოგვიწევს თამაში”.   Rugby.ge

"შავი ლომი" | 42 მორაგბით ჩელენჯ თასზე

საქართველოს რაგბის კავშირის განცხადება

შავი ლომი | ორი მოგება და დიდი გამოცდილება თბილისის თასზე

საზონოვის გარეშე - "ხეტაფე" "უნივერსიტატეას" ფრედ ეთამაშა

"სენტ-ტრუიდენთან" მატჩში "იბერია 1999"-ის შემადგენლობა ცნობილია

ლაუტარო მარტინესი "ინტერს" ერთ თვეზე მეტხანს ვერ დაეხმარება

კსუ კავკასიამ ევროასპარეზზე პირველი გამარჯვება რუსთავში იზეიმა

მერკვილაძის 12 ქულა და მისი გუნდის მარცხი ბელგიელებთან

საზონოვის კლუბი კარვახალის შემდეგ კიდევ ერთი ცნობილი ფეხბურთელის დამატებას აპირებს

დიუგარი: პსჟ ყველა მეტოქეზე ერთი თავით მაღლა დგას

"როგორ შეიძლება ასეთი რამ თქვა? ეს აღმაშფოთებელია" - რიოლომ ლუის ენრიკე გააკრიტიკა

[VIDEO] საკუთარი თავის გარდა ყველას ადანაშაულებს - ვინისიუსი მოურინიოზე გაბრაზდა

"მისი მსგავსი ფეხბურთელი აღარ დაიბადება" - კასანომ მესიზე ისაუბრა

[VIDEO] გიორგი შერმადინის ბენეფისი და MVP-ს ტიტული — ტენერიფემ რომა გაანადგურა

ფუტსალი | საქართველო 2:3 კოსოვო

როგორი შეფასებები მიიღეს პსჟ-ს ფეხბურთელებმა "მანჩესტერ სიტისთან" მატჩში?

[VIDEO] "რეალმა" "რომას" თამაში 1:3-დან 7 წუთში შემოუტრიალა - "ასტონ ვილამ" "ფენერბაჰჩე" გააბითურა

ხვიჩა შეცვლაზე შევიდა - პსჟ-მ სტუმრად "მანჩესტერ სიტის" მოუგო

ბარკოლას ჰეთ-თრიკი, ალისონის კვლავ სამი გაშვებული გოლი და "ლივერპულის" "ლასკთან" გამარჯვება

"მანჩესტერ სიტისთან" მატჩში პსჟ-ს შემადგენლობა ცნობილია

[VIDEO] თბილისის "დინამომ" მინსკის "დინამოს" სძლია და უეფას ახალგაზრდული ლიგის მომდევნო ეტაპზე გავიდა

"ოლისემ სიმშვიდე დაკარგა და ბურთი სახეში მესროლა" - "ვიკინგის" ფეხბურთელი

"მილანმა" პავლოვიჩს კონტრაქტი გაუგრძელა

"შავი ლომი" | 42 მორაგბით ჩელენჯ თასზე

"შავმა ლომმა" სამხრეთ აფრიკის ვიცე-ჩემპიონს სძლია

"შავი ლომი" | თბილისის თასი "ჩიტასთან" გამარჯვებით დავხურეთ

"შავი ლომი" | ახალი სახეებით "ჩიტასთან"

"შავი ლომი" | თბილისის თასი 2026 - აფრიკელების დომინირებით

"შავი ლომი" | თბილისის თასი 2026 - როტაციით სამხრეთ აფრიკის ვიცე-ჩემპიონთან