ქარის თასი - "შავი ლომი" "ლეოპარდების" წინააღმდეგ

ქარის თასის რეგულარული გათამაშების დასკვნით ტურში, "შავი ლომი" "ლეოპარდს" ეთამაშება და ბონუსით მოგების შემთხვევაში პლეი-ოფის საგზურს დაიბევებს.

შეხვედრა ხვალ, 11 ივნისს "ოლენ პარკზე" საქართველოს დროით 17:00 საათზე დაიწყება.

ბოლო ტურის წინ ქართულ ფრენჩაიზს 8 თამაშიდან 24 ქულა აქვს და მე-4 ადგილზეა. მის წინ 26 ქულით "კავალიერსია", თუმცა მას ყველა თამაში ჩატარებული აქვს. 24 ქულა აქვს "იგლზს" და 23 "ვალკე"’, რომლებიც დასკვნით ტურში ხვალ აუტსაიდერებს, შესაბამისად "ბულდოგსს" და "გოსჰოქსს" ეთამაშებიან. შანსი იმისა, რომ ორივე გუნდმა ბონუსით მოიგოს დიდია, ამიტომ, "შავმა ლომმა" "ლეოპარდს" ასევე ბონუსით (4 ლელოს გატანა) უნდა სძლიოს და ფლეი ოფში მესამე პოზიციით გავა.

ჩვენს მომავალ მეტოქეს 8-იდან 3 თამაში აქვს მოგებული (ორი აუტსაიდერებთან და ერთი "ფალკესთან") და 18 ქულით მეშვიდეა. "შავმა" ლომმა’ ოთხი შეხვედრა მოიგო და ერთში გამარჯვება ჩაეთვალა.

გასულ ტურში ერთ-ერთი კონკურენტის, "იგლზის" 42:27 დამარცხების შემდეგ, სასტარტო შემადგენლობაში 7 ცვლილება და გადაადგილებებია. ფულბეკად თამაშს ლაშა ხმალაძის ნაცვლად მირიან მოდებაძე იწყებს. ცენტრში მერაბ შარიქაძემ 13 ნომერზე გადაინაცვლა და მას ლაშა ლომიძე შუწყვილდება. დემურ თაფლაძემ ფრთაზე გადაინაცვლა და სანდრო თოდუას ადგილს დაიკავებს, ხოლო მეორე ფრთა კვლავ აკა ტაბუცაძეა. 9 ნომრის პოზიციაზე გიორგი ბეგაძის ნაცვლად ბრუნდება თენგიზ პერანიძე, ხოლო მგეზავი ლუკა მატკავაა. ხაზის მარქაფაში არიან ბეგაძე, გიორგი ბაბუნაშვილი და თოდუა.

შერკინების პირველ ხაზში ადგილი შეინარჩუნა მარცხენა ბურჯმა ნიკა აბულაძემ, კვაჭად თამაშს თენგიზ ზამთარაძე, ხოლო მარჯვენა ბურჯად ნიკა ხატიაშვილი იწყებს. შალვა მამუკაშვილმა დანიკა პატარაიამ მარქაფაში გადაინაცვლეს. მარქაფაში გამოჩნდა ბურჯი მიხეილ ორაგველიძე.

მეორე ხაზში ძირითადში ბრუნდება ლაშა ჯაიანი და ის ნოდარ ჭეიშვილს შეუწყვილდება. მარქაფაში არიან მიხეილ ბაბუნაშვილი და სანდრო ქოიავა, რომელიც ‘შავ ლომს’ დიდი 10-ის მოგების შემდეგ შეუერთდა.