ჩელენჯ თასის მეორე ტურში „შავი ლომმა“, რომლის რიგებში ხუთი დებიუტანტი იყო, უელსში „სქარლეთსი“ 23:7 დაამარცხა და ტურნირზე პირველი, ისტორიული გამარჯვება მოიპოვა.მასპინძლები დებიუტში ლელო-გარდასახვით დაწინაურდნენ. „შავი ლომი“ შეცდომებს უშვებდა, რამდენიმეჯერ დაჯარიმდა და მსაჯმა მამამთავრიშვილი გაასანბინა. შემდეგ მატკავამ საჯარიმო ვერ გამოიყენა. ჩვენმა გუნდმა ბურთი დერეფნიდან ექვსჯერ დაკარგა, ერთადერთი მეტოქეს, რომელიც უნაკლო სულაც არ იყო, შერკინებაში სჯაბნიდა და მატკავამ საჯარიმოდან ანგარიში შეამცირა. უპირატესობას და ბურთს უმეტესწილად უელსელები ფლობდნენ, მაგრამ მაისაშვილის შეგირდები კარგი
მეორე ტაიმი მატკავას ზუსტი საჯარიმოთი დაიწყო. ისევ მოგვეძალა „სქარლეთსი“, ისევ წავაგეთ დერეფანი, ისევ მაგრად დავუხვდით დაცვაში, იქით შევუტიეთ, აგორებული მოლიდან მამრიკიშვილმა ლელო გაიტანა, ხოლო მატკავამ ზუსტად გარდასახა. „შავმა ლომმა“ თანდათან დერეფანში თამაში გამოასწორა, შერკინებაში ბრწყინავდა, ინიციატივასაც ფლობდა და მატჩის საუკეთესო მოთამაშემ მატკავამ საჯარიმოდან საბოლოო ანგარიში დააფიქსირა.
ქართული ფრენჩაიზი 5 ქულით ჯგუფში მესამე ადგილზეა და შემდეგ შეხვედრას ჩელენჯ თასზე 13 იანვარს საფრანგეთში „კასტრთან“ გამართავს.
2023/24 წლების EPCR ჩელენჯ თასი
მესამე ჯგუფი. მეორე რაუნდი
ჰლანეჰლი. Parc Y Scarlets
სქარლეთსი (უელსი) – შავი ლომი (საქართველო) 7:23
შავი ლომი
ხაზი: 15. მირიან მოდებაძე, 14. აკაკი ტაბუცაძე, 13. თორნიკე კახოიძე, 12. მერაბ შარიქაძე (კაპ.), 11. ოთარ ლაშხი, 10. ლუკა მატკავა, 9. თენგიზ პერანიძე;
შერკინება: 1. დათო აბდუშელიშვილი, 2. ბექა მამრიკიშვილი, 3. გიორგი ჩხარტიშვილი, 4. ნოდარ ჭეიშვილი, 5. გრიგორ ქერდიყოშვილი, 6. გიორგი კერვალიშვილი, 7. სანდრო მამამთავრიშვილი, 8. ლუკა ივანიშვილი.
მარქაფა: 16. გელა მახარაშვილი, 17. ალიკო შამილიშვილი, 18. ბაჩუკი ჭუმბაძე, 19. დემურ ეფრემიძე, 20. საბა კურტანიძე; 21. გიორგი მარგალიტაძე, 22. გიორგი ჯობავა, 23. ლუკა ცირეკიძე.
სუპერთასის ფინალი თბილისში!
!["შავი ლომი" "კლერმონთან" უშანსოდ დამარცხდა [VIDEO]](/pictures/image7/45ad77661f2e6a973532f658ddd1c73e.jpg "\"შავი ლომი\" \"კლერმონთან\" უშანსოდ დამარცხდა [VIDEO]")
ცოტა ფათაფუთა მსაჯი იყო და ერთი-ორჯერ უაზროდ ჩასტვინა ჯარიმებზე. ერთი ჩვენი კლასიანი ხისტი ბოჭვა ჯარიმად ჩაგვითვალა(არასამართლიანად).
ყოჩაღ მატკავას, ორი ჯარიმის ვერგადატანა აუტზე ეპატიება(მანძილს გამოეკიდა).
ნიაზ მამრიკიშვილი შეუჩერებლად ყვირის კომენტატორობისას და ხელისუფების საიმედო არხზეც ვუყურებდი სანახევროდ ოჯახობა რომ არ გამეღვიძებინა)) ხოდა ერთ-ერთი წამყვანი დერეფანზე კალიდორს ამბობდა)))) ხოდა ეს კალიდორები აქილევსის ქუსლად ვიქციეთ და ამის გამო ბიჭებს შრომა წყალში ეყრებოდათ რამის, რვა თუ ცხრა დერეფნის წაგება რა უბედურებაა, მეორე და მესამე დონის სამოყვარულო გუნდები არ აფუჭებენ ამდენს..
წარმატება ყველა ქართულ გუნდს
გააუქმეს. ყოჩაღ ბიჭებო!
13 დეკემბერსაა მომდევნო შეხვედრა?