"შავი ლომი". დერეფანი უელსური, შერკინება და ისტორიული გამარჯვება - ქართული!

წინა თამაშის შემდეგ,კი დავწერე,რომ იმედი მქონდა,უკვე ამ გათამაშებაში მოვიპოვებდით,პირველ გამარჯვებას,მაგრასმ ოცნებაშიც ვერ ვიფიქრებდი,უკვე მომდევნო თამაშში თუ ასე დამაჯერებლად გავუსწორდებოდით,უელსელ მეტოქეს.არ ვიცი,შესაძლოა არც ისინი თამაშობდნენ,უძლიერესი შემადგენლობით,შესაძლოა არც დაგვაფასეს,მაგრამ ჩვენი გუნდიც ძალიან შორს იყო,უძლიერესი შემადგენლობისაგან.გამოდის,რომ ახალ მოსულის ფსიქოლოგიური ბარიერი გადავლახეთ და გამოცდილ მეტოქეებს,ქვემოდან ზევით აღარ შევცქერით.მატჩის დასაწყისში,ეს შებორკილობა აშკარად იგრძნობოდა და ამას მსაჯიც აქტიურად უწყობდა ხელს,მაგრამ პირველ რიგში,ჩვენი კაპიტნის ბრწყინვალე მოქმედებებით,გუნდმა დაიბრუნა ფსიქოლოგიური წონასწორობა და რაც შემდეგ ვნახეთ,ამას ვერც წარმოვიდგენდი.ვიდეოებში გადაღებული მიწისძვრის კადრებში მინახია,მიწის ნაბზარის ორი მხარე ერთმანეთს რომ ეჯახება,შუაში მოქცეული კლდის ნაწილი,როგორ ამოიპრესება,მაღლა,ყინულების სვლისასაც მინახია,მსგავსი სურათი,მაგრამ სარაგბო შერკინებაში,ასეთი რამე,პირველად ვნახე.ჩვენმა მორკინალებმა,მეტოქის შერკინება,თითქოს რქებზე შეიგდეს და ჰაერში აათამაშეს.კარგ მინდორზე,არც ფიზიკურად გაგვჭირვებია და რომ არა სრულიად დაულაგებელი დერეფანი,მეტოქეს,გამანადგურებელი ანგარიშით დავამარცხებდით.დერეფანი,ისედაც ჩვენი სუსტი წერტილია,მაგრამ ძირითადი ჰუკერების ტრავმებმა,კიდევ უფრო გაგვირთულა,სიტუაცია.ახლა ბიჭებს,რაღაცა დრო მაინც აქვთ,რომ რამდენიმე კომბინაცია დაალაგონ და მომდევნო თამაშებში,ასე სუსტად აღარ გამოჩნდნენ.ლევან მაისაშვილმა,ჯერ სანაკრებო,ახლა კი საკლუბო დონეზე უელსელების ძლევით დაამტკიცა,რომ კარგი მწვრთნელია და იმ ერთი სანაკრებო წარუმატებლობის მიუხედავად,მასზე ხაზის გადასმა,ძალიან დიდი შეცდომა იქნება.მან ხუთი თითივით იცის,ქართული რაგბის ყველა კუთხე კუნჭული და სამომავლოდაც უნდა გვქონდეს,მისი იმედი.აიჩემეს,უცხოელი მწვრთნელი გვჭირდებაო!კი ბატონო,მაგრამ ამ შემთხვევაში,ისეთი უნდა მოიყვანონ,ვისზეც,გაცილებით უფრო დიდი ხელფასის გადახდა,კიდევ უფრო დიდ ხარისხობრივ ნახტომსაც მოგვცემს,ნაკრებისათვის,შავი ლომისათვის და მთლიანად ქართული რაგბისათვის.დღეს კი,ამ გამარჯვებას გილოცავთ ყველას,ვინც ქართული რაგბის გულშემატკივარია,მთელ სარაგბო კორპუსს და რა თქმა უნდა თვითონ შავ ლომს.ეს ერთი და სხვა ათასი,ბიჭებო!

აუტი გამოსასწორებელია, ამ თამაშის შემდეგ გლოსტერთან წაგება უფრო დასანანია ვერ გამიგია ის ლელო რატომ
გააუქმეს. ყოჩაღ ბიჭებო!